បាល់ទាត់អន្តរជាតិ
Man City នឹងទទួលបានប្រាក់ 10% ប្រសិនបើ Bayern Munich លក់ Leroy Sane
ក្លឹបមេឃខៀវ Manchester City ត្រូវបានគេរាយការណ៍ថា អាចទទួលបានប្រាក់លើសពី 8 លានផោន ប្រសិនបើខ្សែប្រយុទ្ធស្លាប Leroy Sane សម្រេចចិត្តចាកចេញពីក្លឹបបច្ចុប្បន្នរបស់ខ្លួន Bayern Munich។ យ៉ាងណាមិញ ខ្សែប្រយុទ្ធសញ្ជាតិអាឡឺម៉ង់រូបនេះ កំពុងត្រូវបានផ្សារភ្ជាប់ជាមួយនឹងការចាកចេញទៅចូលរួមជាមួយហង្សក្រហម Liverpool នៅចុងបញ្ចប់នៃរដូវកាលនេះ។
ដោយឡែក Leroy Sane បានចំណាយពេល 4 ឆ្នាំដ៏អស្ចារ្យរបស់ខ្លួនជាមួយក្លឹបយក្សរបស់អង់គ្លេស Manchester City ចន្លោះពីឆ្នាំ 2016 ដល់ 2020 ដោយបានរួមចំណែកជាមួយនឹងការស៊ុតបញ្ចូលទីបាន 39 គ្រាប់ និង 46 Assists ក្នុងការបង្ហាញខ្លួន 135 ប្រកួត ដោយឈ្នះពានរង្វាន់បានចំនួន 8 ក្នុងនោះមានពាន Premier League ចំនួន 2 ផងដែរ។
Leroy Sane បានសម្រេចចិត្តត្រឡប់ទៅស្រុកកំណើតរបស់គាត់វិញ ដោយចូលរួមជាមួយ Bayern Munich នៅរដូវក្ដៅឆ្នាំ 2020។ គិតមកទល់នឹងពេលនេះ គាត់បានលេងឲ្យក្លឹបបច្ចុប្បន្នរបស់ខ្លួន 3 រដូវកាលមកហើយ ក្នុងនាមជាកីឡាករដ៏សំខាន់របស់ក្លឹប។
កីឡាករវ័យ 27 ឆ្នាំរូបនេះ ស្ថិតក្រោមកុងត្រាជាមួយ Bayern Munich រហូតដល់រដូវក្តៅឆ្នាំ 2025 ប៉ុន្តែថ្មីៗនេះ គាត់កំពុងទទួលបានការចាប់អារម្មណ៍ពីក្លឹបហង្សក្រហម Liverpool។ ក្រុមរបស់លោក Jurgen Klopp ត្រូវបានគេដឹងថា នឹងចុះហត្ថលេខាផ្ទេរ Leroy Sane នៅចុងបញ្ចប់នៃរដូវកាលនេះដើម្បីជំនួស Salah ដែលត្រៀមចាកចេញទៅមជ្ឈិមបូព៌ា។
ពាក់ព័ន្ធនឹងរឿងនេះដែរ កាសែត Manchester Evening News បានឲ្យដឹងថា ប្រសិនបើ Liverpool ទទួលបានជោគជ័យក្នុងការផ្ទេរ Leroy Sane នោះ Man City នឹងទទួលបានប្រាក់ 10% ពីការលក់កីឡាកររូបនេះ ដោយសារនៅក្នុងកិច្ចព្រមព្រៀងដែលពួកគេបាននិយាយគ្នាជាមួយ Bayern Munich ពីមុនមក។
ប្រភព: Sportsmole
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ2 days ago
ក្រៅពី Messi និង Ronaldo ឥឡូវ Garnacho ហៅកីឡាកររូបនេះថា ជាកីឡាករល្អបំផុតក្នុងពិភពបាល់ទាត់