បាល់ទាត់អន្តរជាតិ
Jose Mourinho អាចនឹងមកដឹកនាំ Real Madrid ម្ដងទៀត!!!
កាលពីប៉ុន្មានម៉ោងមុននេះ ក្លឹបអធិរាជស Real Madrid ត្រូវបានគេរាយការណ៍ថា កំពុងពិចារណាលើអតីតគ្រូបង្វឹករបស់ខ្លួនលោក Jose Mourinho ពាក់ព័ន្ធនឹងតំណែងជាគ្រូបង្វឹកថ្មីរបស់ក្លឹប និងក្លាយជាអ្នកស្នងតំណែងរបស់លោក Carlo Ancelotti ប្រសិនបើគ្រូបង្វឹកសញ្ជាតិអ៊ីតាលីរូបនេះ ចាកចេញពីក្លឹបនៅចុងបញ្ចប់នៃរដូវកាលនេះ។
យ៉ាងណាមិញសម្រាប់គ្រូបង្វឹកសញ្ជាតិព័រទុយហ្គាល់លោក Jose Mourinho គាត់ធ្លាប់មានវត្តមានដោយដឹកនាំម្ដងរួចមកហើយនៅ Santiago Bernabeu ក្នុងរដូវក្តៅឆ្នាំ 2010 បន្ទាប់ពីឈ្នះ UEFA Champions League ជាមួយក្លឹបយក្សអ៊ីតាលី Inter Milan។ ទោះជាហយ៉ាងណា បច្ចុប្បន្នគ្រូបង្វឹកវ័យ 60 ឆ្នាំរូបនេះ កំពុងរីករាយនឹងការដឹកនាំដ៏ល្អរបស់ខ្លួននៅ AS Roma។
Jose Mourinho បានដឹកនាំ Real Madrid ឲ្យឈ្នះពានរង្វាន់ Copa del Rey ក្នុងអំឡុងពេលនៃរដូវកាលដំបូងរបស់គាត់ និងបានឈ្នះពាន La Liga នៅរដូវកាលបន្ទាប់ ឆ្នាំ 2011-2012 ដោយពេលនោះបានវ៉ាដាច់ពិន្ទុដ៏ច្រើនរបស់គូប្រជែង FC Barcelona។ នៅឆ្នាំ 2013 គាត់បានចាកចេញពី Real Madrid ក្នុងនាមជាគ្រូដែលដឹកនាំក្លឹបឈ្នះការប្រកួត 128 ប្រកួត ក្នុងចំណោមប្រកួតសរុប 178 ប្រកួត។
យោងតាមសារព័ត៌មាន Mundo Deportivo បានឲ្យដឹងថា Jose Mourinho អាចនឹងមានវត្តមានជាថ្មីនៅទឹកដីអេស្ប៉ាញជាមួយ Real Madrid ក្នុងពេលដ៏ខ្លីខាងមុខនេះ ខណៈដែលក្លឹបយក្សអេស្ប៉ាញមួយនេះ កំពុងស្វែងរកគ្រូបង្វឹកថ្មី ដើម្បីមកជំនួសគ្រូបង្វឹកបច្ចុប្បន្នដែលកំពុងត្រៀមចាកចេញ។
ប្រភព: Sportsmole
-
បាល់ទាត់អន្តរជាតិ2 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ19 hours ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ17 hours ago
Pep Guardiola ថា៖ ជម្រើសនៅពេលនេះមានតែមួយគត់ គឺត្រូវឈ្នះ Tottenham Hotspur