បាល់ទាត់អន្តរជាតិ
Barcelona ត្រៀមផ្ទេរកីឡាករវ័យក្មេងមួយរូបរបស់ប្រេស៊ីល ដែលមានរហ័ស្សនាមថា Messinho
Messinho បានក្លាយជាកីឡាករឆ្នើមរបស់ប្រេស៊ីលចុងក្រោយគេបង្អស់ ដែលត្រូវបានផ្សារភ្ជាប់ជាមួយនឹងការផ្លាស់ទៅ Barcelona ហើយកីឡាកររូបនេះផ្ទាល់ ក៏ធ្លាប់និយាយថា គាត់ចង់លេងឲ្យក្លឹបយក្សកាតាឡាន់ទៀតផង។ កីឡាករវ័យ 15 ឆ្នាំរូបនេះមានភ្នាក់ងាររបស់ខ្លួនគឺលោក Andre Cury ដូចគ្នានឹង Vitor Roque ដែរ។
យ៉ាងណាមិញឈ្មោះ Messinho គឺជាឈ្មោះហៅក្រៅរបស់គេ ហើយឈ្មោះពិតនោះគឺ Estevao William។ ថ្មីៗនេះ Messinho បានផ្តល់បទសម្ភាសន៍ធំមួយទៅកាន់ Mundo Deportivo អំពីក្លឹបនាពេលអនាគតរបស់គាត់ ហើយពេលនោះខ្សែប្រយុទ្ធរូបនេះបានលើកឡើងថា Barcelona គឺជាក្លឹបក្នុងក្ដីសុបិនរបស់ខ្លួន។
Messinho គឺជាខ្សែប្រយុទ្ធស្លាបស្តាំម្នាក់ដែលបានចូលលេងក្នុងកម្រិតយុវជនរបស់ប្រេស៊ីលបានច្រើន ប៉ុន្តែគាត់មិនទាន់បានចូលលេងឈុតធំសម្រាប់ប្រទេស រឺក្លឹបរបស់គាត់នៅឡើយទេ។ ទោះយ៉ាងណាក៏ដោយ កាសែត Mundo Deportivo រាយការណ៍ថា គាត់កំពុងមានភាគរយខ្ពស់ក្នុងការផ្ទេរទៅ Camp Nou ហើយស្របពេលជាមួយគ្នានោះដែរ Manchester City និង Paris Saint-Germain ក៏ចាប់អារម្មណ៍ចង់បាន Messinho ដូចគ្នា។
ប្រភព: Sportsmole
-
បាល់ទាត់អន្តរជាតិ3 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ