បាល់ទាត់អន្តរជាតិ
វីរបុរសរបស់ក្លឹប Real Madrid លើកឡើងថា បច្ចុប្បន្ននេះគ្មាននរណាម្នាក់ល្អជាងកីឡាកររូបនេះឡើយ
វីរបុរសរបស់ក្លឹបអធិរាជស Real Madrid លោក Guti បានចាត់ទុកខ្សែបម្រើប្រយុទ្ធ Jude Bellingham ថាជាកីឡាករបាល់ទាត់ល្អបំផុតនៅក្នុងពិភពលោកនាពេលបច្ចុប្បន្ន។ យ៉ាងណាមិញ ខ្សែបម្រើសញ្ជាតិអង់គ្លេសរូបនេះ ចាប់ផ្ដើមមានភាពទាក់ទាញកាន់តែខ្លាំង បន្ទាប់ពីបានចូលរួមជាមួយ Real Madrid ដោយផ្ទេរពី Borussia Dortmund។
កីឡាករវ័យ 20 ឆ្នាំរូបនេះ បានផ្ទេរពី Borussia Dortmund ទៅ Real Madrid ក្នុងតម្លៃ 103 លានអឺរ៉ូ (88 លានផោន) កាលពីខែមិថុនា ឆ្នាំ 2023។ ផ្សេងពីនេះដែរ Jude Bellingham បានស៊ុតបញ្ចូលទី 11 គ្រាប់ និងបញ្ជូនបាល់ឲ្យមិត្តរួមក្រុមបាន 3 ដងហើយ ក្នុងការបង្ហាញខ្លួន 12 ប្រកួត សម្រាប់ Real Madrid គិតចាប់តាំងពីពេលនោះមក។
នៅពេលសួរថា តើនរណាដែលគាត់គិតថា ជាកីឡាករបាល់ទាត់ល្អបំផុតនៅក្នុងពិភពលោកនាពេលបច្ចុប្បន្ន Guti បានប្រាប់ El Chiringuito ថា៖ “គ្មានការសង្ស័យទេគឺ Bellingham។ ខ្ញុំគិតថា ដើម្បីនិយាយអំពីអ្វីដែលល្អបំផុតក្នុងពិភពលោក យើងត្រូវនិយាយអំពីអ្វីដែលកំពុងកើតឡើងនៅពេលនេះ។ គាត់មិនត្រឹមតែប្រកួតប្រជែងជាមួយខ្សែបម្រើប៉ុណ្ណោះទេ ពេលនេះគាត់ក៏ប្រកួតប្រជែងជាមួយខ្សែប្រយុទ្ធផងដែរ…”។
ប្រភព: Dailypost NG
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក