បាល់ទាត់អន្តរជាតិ
Arsene Wenger ថា មាន់ខ្នាយមាស Tottenham Hotspur អាចឈ្នះពានលីគនៅរដូវកាលនេះ!!!
លោក Arsene Wenger ដែលធ្លាប់ជាអតីតគ្រូបង្វឹករបស់ក្លឹបកាំភ្លើងធំ Arsenal បាននិយាយថា Tottenham Hotspur អាចឈ្នះពាន Premier League នៅរដូវកាលនេះ។ យ៉ាងណាមិញបុរសវ័យ 74 ឆ្នាំរូបនេះជឿជាក់ថា ការចុះហត្ថលេខាលើកីឡាករចំណូលថ្មីរបស់ Tottenham Hotspur នារដូវក្ដៅនេះពិតជាធ្វើបានត្រឹមត្រូវ និងល្អបំផុត។
ថ្វីត្បិតតែការចាកចេញរបស់ Harry Kane កាលពីដើមរដូវកាលកន្លងទៅក៏ដោយលោក Ange Postecoglou ដែលជាគ្រូបង្វឹករបស់ក្លឹបមាន់ខ្នាយមាស បានកែច្នៃក្រុមរបស់ខ្លួនឲ្យលេងបានយ៉ាងល្អ ហើយបច្ចុប្បន្នពួកគេកំពុងឈរនៅកំពូលតារាង ដោយមិនទាន់ស្គាល់ចាញ់ផងដែរ ក្នុងចំណោម 10 ប្រកួតនៅ Premier League។
Arsene Wenger បាននិយាយទៅកាន់ beIN Sports ថា៖ “ខ្ញុំជឿថា Tottenham Hotspur អាចនឹងក្លាយជាគូប្រជែងមួយសម្រាប់ការឈ្នះពានលីគ។ ពួកគេបានទិញ Maddison ដែលជាកីឡាករដ៏អស្ចារ្យម្នាក់។ គាត់គឺជាអ្នកភ្ជាប់ពីខ្សែបម្រើការពារ ទៅខ្សែបម្រើកណ្ដាល ហើយបានបន្ថែមការច្នៃប្រឌិតបច្ចេកទេសមួយចំនួនដល់ក្រុម។ ពួកគេបានទិញ Van de Ven ដែលខ្ញុំយល់ថា ពិតជាពិសេស។… ហើយចលនាពី Son Heung-min ទៅតំបន់កណ្តាលមើលទៅល្អណាស់”។
ប្រភព: Dailypost NG
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
Barcelona កំពុងពិចារណាលក់ខ្សែបម្រើវ័យ 21 ឆ្នាំរបស់ខ្លួននៅរដូវក្ដៅនេះ!!!
Mbappe កំពុងចរចាទិញផ្ទះរបស់ Sergio Ramos ដែលស្ថិតនៅក្នុងទីក្រុង Madrid
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
