បាល់ទាត់អន្តរជាតិ
Barcelona ស៊ើបអង្កេតករណីរើសអើងពូជសាសន៍លើ Vinicius Jr
ក្លឹបអ្នកមានបុណ្យ Barcelona បានប្រកាសជាផ្លូវការណ៍ថា ពួកគេនឹងធ្វើការស៊ើបអង្កេតលើករណីនៃការប្រកាន់អំពីការរើសអើងជាតិសាសន៍ ទៅលើខ្សែប្រយុទ្ធរបស់ក្លឹប Real Madrid គឺកីឡាករ Vinicius Junior ក្នុងអំឡុងពេលនៃការប្រកួត El Clasico កាលពីថ្ងៃសៅរ៍សប្ដាហ៍មុន។
ក្នុងអំឡុងពេលប្រកួត El Clasico ខ្សែបម្រើ Jude Bellingham គឺជាម្ចាស់គ្រាប់បាល់ 2 គ្រាប់ ដែលបានធ្វើឲ្យក្លឹប Real Madrid ទទួលបានជ័យជម្នះ 2-1 ទៅលើ Barcelona។ ទោះជាយ៉ាងណាក៏ដោយ ក្រៅពីការប្រកួតដ៏ជក់ចិត្តរវាងក្រុមទាំងពីរនោះ ការបំពានរើសអើងជាតិសាសន៍បានកើតឡើងលើ Vinicius Jr ដោយកីឡាករវ័យ 23 ឆ្នាំរូបនេះត្រូវបានអ្នកគាំទ្រម្នាក់ ធ្វើកាយវិការរើសអើងជាតិសាសន៍មកលើគាត់ (នេះបើយោងតាមរូបភាពមួយសន្លឹកដែលបានចែករំលែកនៅលើប្រព័ន្ធផ្សព្វផ្សាយសង្គម)។
ចាប់តាំងពីពេលនោះមក La Liga បានបញ្ជាក់ថាពួកគេកំពុងធ្វើការ ដើម្បីកំណត់អត្តសញ្ញាណអ្នកដែលធ្វើឲ្យមានការប្រមាថ និងការរើសអើងជាតិសាសន៍នេះកើតឡើង ខណៈដែលពួកគេកំពុងធ្វើការជាមួយប៉ូលីសនៅតំបន់កាតាឡាន់ និងក្លឹប FC Barcelona លើបញ្ហានេះផងដែរ។ ទន្ទឹមនឹងនេះដែរ នៅក្នុងសេចក្តីថ្លែងការណ៍កាលពីពេលថ្មីៗនេះ Barcelona បានបញ្ជាក់ថា ពួកគេប្តេជ្ញាចិត្តយ៉ាងមុតមាំ ក្នុងការរក្សាតម្លៃនៃកីឡាបាល់ទាត់ និងគូប្រជែងរបស់ខ្លួន ដោយព្យាយាមសហការដើម្បីស្វែងរកមុខជនបង្ករដែលធ្វើទង្វើមិនល្អលើ Vinicius Jr។
ប្រភព: Sportsmole
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ