បាល់ទាត់អន្តរជាតិ
Barcelona ត្រៀមប្រជែងជាមួយ Real Madrid ដើម្បីចុះហត្ថលេខាលើខ្សែប្រយុទ្ធមួយរូបដែលគេចាត់ទុកជា Luis Suarez ទីពីរ
ក្លឹបអ្នកមានបុណ្យ Barcelona និង Real Madrid ត្រូវបានគេដឹងថា កំពុងចាប់អារម្មណ៍លើខ្សែប្រយុទ្ធមួយរូបរបស់ក្លឹប Feyenoord គឺកីឡាករ Santi Gimenez។ កីឡាករសញ្ជាតិម៉ិកស៊ិកូរូបនេះ កំពុងមានភាពលេចធ្លោរខ្លាំងបំផុត និងត្រូវបានគេប្រៀបប្រដូចទៅនឹងអតីតតារាឆ្នើម Luis Suarez ទៀតផង។
ខ្សែប្រយុទ្ធវ័យ 22 ឆ្នាំរូបនេះបានស៊ុតបញ្ចូលទីបាន 13 គ្រាប់ ក្នុងការបង្ហាញខ្លួន 10 ប្រកួតសម្រាប់ក្លឹប Feyenoord ក្នុងរដូវកាលនេះ និងបានស៊ុតបញ្ចូលទីក្នុងការប្រកួតវគ្គជម្រុះតាមពូលនៃក្របខ័ណ្ឌ UEFA Champions League ដែលក្រុមរបស់គាត់បានឈ្នះ 3-1 ទៅលើ Lazio ផងដែរ។
ទោះបីជាកន្ងងមក Gimenez បានបញ្ជាក់ថា គាត់មិនមានការពិភាក្សាណាមួយ អំពីការផ្ទេរចេញពីក្លឹបបច្ចុប្បន្នរបស់ខ្លួនក៏ដោយ ប៉ុន្តែការបង្ហាញសមត្ថភាពដ៏គួរឲ្យចាប់អារម្មណ៍របស់គាត់ នៅតែបន្តទទួលបានការចាប់អារម្មណ៍ពីក្លឹបកំពូលៗជាច្រើននៅតំបន់អឺរ៉ុប រួមទាំង Real Madrid ផងដែរ។
យោងតាមរបាយការណ៍ពី ESPN បានឲ្យដឹងថា ក្លឹបអ្នកមានបុណ្យ Barcelona កំពុងចាប់អារម្មណ៍ និងត្រៀមប្រជែងជាមួយ Real Madrid ដើម្បីចរចានាំយក Gimenez ទៅទឹកដីអេស្ប៉ាញ។ ទោះជាយ៉ាងណាក៏ដោយ ក្លឹបយក្សកាតាឡាន់ ប្រហែលជាត្រូវរៀបចំផែនការផ្ទេរនាពេលអនាគត ដោយពួកគេមិនអាចព្យាយាមផ្ទេរភ្លាមៗនៅពេលនេះបានទេ ដោយក្លឹបអាចនឹងប្រឈមជាមួយបញ្ហាជាច្រើន រួមទាំងវិបត្តិហិរញ្ញវត្ថុផងដែរ។
ប្រភព: GOAL
-
បាល់ទាត់អន្តរជាតិ2 days ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ2 days ago
PSG ប្រហែលជាត្រូវបន្តកំណត់ត្រា មិនអាចឈ្នះពាន UCL ជាច្រើនរដូវកាលទៀត