បាល់ទាត់អន្តរជាតិ
មាន់ខ្នាយមាស Tottenham Hotspur កំណត់តម្លៃលក់ខ្សែបម្រើ Giovani Lo Celso
ក្លឹបមាន់ខ្នាយមាស Tottenham Hotspur ត្រូវបានគេរាយការណ៍ថា បានត្រៀមខ្លួនរួចជាស្រេច ដើម្បីចែកផ្លូវគ្នាជាមួយខ្សែបម្រើ Giovani Lo Celso នៅក្នុងអំឡុងពេលនៃទីផ្សារដោះដូរកីឡាករបើកឡើងវិញ នាខែមករាដើមឆ្នាំក្រោយ ប្រសិនបើតម្លៃខ្លួនដែលគេកំណត់លើកីឡាកររូបនេះ ត្រូវបានបំពេញ។
នៅរដូវកាលនេះ Giovani Lo Celso បានចូលលេងត្រឹមតែ 69 នាទីប៉ុណ្ណោះ ក្នុងការប្រកួតចាប់តាំងពីខែសីហាមក ក្រោមការដឹកនាំរបស់គ្រូបង្វឹកថ្មីលោក Ange Postecoglou។ កីឡាករសញ្ជាតិអាហ្សង់ទីនរូបនេះនៅមានកុងត្រាជាមួយ Tottenham Hotspur រហូតដល់ថ្ងៃទី 30 ខែមិថុនា ឆ្នាំ 2025។
ទោះជាយ៉ាងណាក៏ដោយ យោងតាម Football Insider បានអះអាងថា ក្លឹបមាន់ខ្នាយមាស Tottenham Hotspur បានសម្រេចចិត្តត្រៀមលក់ខ្សែបម្រើរូបនេះរួចហើយ ក្នុងទីផ្សារដោះដូរកីឡាករខែមករាខាងមុខ។ គេបានដឹងថា Tottenham Hotspur នឹងលក់ Lo Celso ក្នុងតម្លៃ 15 ទៅ 20 លានផោន ដែលនេះអាចតម្លៃដែលពួកគេកំណត់ចង់បាន។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo