បាល់ទាត់អន្តរជាតិ
គ្រូបង្វឹក 2 រូបដែលអាចនឹងមកដឹកនាំនៅ Man United ប្រសិនបើលោក Erik ten Hag ត្រូវបានគេបណ្ដេញចេញ
ក្រុមមន្ត្រីជាន់ខ្ពស់របស់ក្លឹបបិសាចក្រហម Manchester United កំពុងពិចារណាលើបេក្ខភាពដែលមកជំនួសគ្រូបង្វឹកបច្ចុប្បន្នរបស់ក្លឹបគឺលោក Erik ten Hag រួចហើយ (នេះបើយោងតាមកាសែត The Times បានចុះផ្សាយ)។
ជាការពិតណាស់ Erik ten Hag បានស្ថិតនៅក្រោមសម្ពាធកាន់តែខ្លាំង បន្ទាប់ពីបិសាចក្រហមត្រូវបានធ្លាក់ចេញពីពានរង្វាន់ Carabao Cup ដោយចាញ់ Newcastle 3-0 កាលពីថ្ងៃពុធកន្លងទៅ។ ការបរាជ័យនេះ បានកើតឡើងត្រឹមតែរយៈពេលប៉ុន្មានថ្ងៃប៉ុណ្ណោះ បន្ទាប់ពីពួកគេត្រូវបានលុតដោយ Man City 3-0 នៅក្នុងការប្រកួតលីគកាលពីសប្ដាហ៍មុន។
ជាលទ្ធផល Manchester United ពេលនេះកំពុងស្ថិតក្នុងដំណាក់កាលនៃការពិចារណារកអ្នកជំនួស Erik ten Hag ដោយប្រភពច្បាស់លាស់មួយ បានអះអាងថា តំណែងរបស់គ្រូបង្វឹកសញ្ជាតិហូឡង់រូបនេះកំពុងជួបហានិភ័យនៃការបណ្ដេញចេញទៅហើយ។
បេក្ខភាពគ្រូបង្វឹក 2 រូប ដែលបិសាចក្រហមកំណត់យក និងចង់បានមកជំនួនលោក Erik ten Hag នោះគឺលោក Ruben Amorim ដែលបច្ចុប្បន្នជាគ្រូបង្វឹករបស់ក្លឹប Sporting និងលោក Zinedine Zidane ជាអតីតគ្រូបង្វឹករបស់ក្លឹបអធិរាជស Real Madrid។
ប្រភព: Dailypost NG