បាល់ទាត់អន្តរជាតិ
Arsenal អាចនឹងស្គាល់រសជាតិចាញ់ជាលើកដំបូង ក្នុងការប្រកួតទល់នឹង Newcastle United នៅរំលងធ្រាតនេះ?
នៅម៉ោង 12:30 នាទីរំលងអាធ្រាតនេះ ក្រុមកាំភ្លើងធំ Arsenal នឹងត្រូវធ្វើការធ្ងន់ ដោយត្រូវជួបជាមួយក្រុមម្ចាស់ផ្ទះ Newcastle United ដែលជាការប្រកួតក្របខណ្ឌ Premier League។ យ៉ាងណាមិញ Newcastle គឺជាក្រុមខ្លាំងមួយក្នុងចំណោមក្រុមខ្លាំងជាច្រើនទៀតនៅក្នុងលីគ ខណៈដែលប្រកួតចុងក្រោយកាលពីពេលថ្មីៗនេះពួកគេទើបនឹងបានទម្លាក់ Manchester United ចេញពីពាន EFL Cup ក្នុងលទ្ធផល 3 ទល់នឹង 0 ទៀតផង។
ស្របពេលជាមួយគ្នានោះដែរ ប្រកួតចុងក្រោយរបស់ Arsenal ពួកគេធ្វើមិនបានល្អឡើយ ដោយត្រូវធ្លាក់ចេញពី EFL Cup ក្រោមស្នាដៃរបស់ក្លឹបញញួរធំ West Ham United ក្នុងលទ្ធផល 3-1។ ទោះជាយ៉ាងណាក៏ដោយ សម្រាប់ការប្រកួតក្របខណ្ឌលីគកំពូល ពួកគេមិនទាន់ចាញ់នៅឡើយទេ បន្ទាប់ពីឆ្លងកាត់ 10 ប្រកួត ស្មើ 3 ឈ្នះ 7 មាន 24 ពិន្ទុ។
សម្រាប់ការប្រកួតនៅរំលងអាធ្រាតនេះ ក្រុមរបស់លោក Mikel Arteta នឹងសម្លឹងមើល 3 ពិន្ទុបន្ថែមទៀត ពីក្រុមម្ចាស់ផ្ទះ ដើម្បីបន្តកំណត់ត្រាមិនដែលចាញ់ ក៏ដូចជាការសន្សំពិន្ទុដើម្បីអាចមានឱកាសប្រជែងយកពាន Premier League នៅរដូវកាលនេះ។ ការព្យាយាមយក 3 ពិន្ទុពី Newcastle United ប្រហែលមិនមែនជារឿងងាយស្រួលឡើយ ខណៈដែលក្រុមទាំងពីរនេះមានគីឡូ និងទម្រង់លេងល្អមិនចាញ់គ្នាឡើយ។
ប្រភព: Football.london
-
បាល់ទាត់អន្តរជាតិ3 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ17 hours ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona