បាល់ទាត់អន្តរជាតិ
Griezmann មិនចាប់អារម្មណ៍ក្នុងការផ្ទេរទៅចូលរួមជាមួយបិសាចក្រហម Manchester United
កីឡាករ Antoine Griezmann ត្រូវបានគេរាយការណ៍ថា មិនចាប់អារម្មណ៍ក្នុងការចាកចេញពីក្លឹបបច្ចុប្បន្នរបស់ខ្លួន Atletico Madrid ដើម្បីចូលរួមជាមួយបិសាចក្រហម Manchester United ដែលកំពុងចង់ចុះហត្ថលេខាលើគាត់នៅឆ្នាំក្រោយនោះឡើយ។
យ៉ាងណាមិញ កីឡាករវ័យ 32 ឆ្នាំរូបនេះនៅតែមានទម្រង់លេងដ៏ល្អ សម្រាប់ក្រុមរបស់លោក Diego Simeone ក្នុងយុទ្ធនាការរដូវកាល 2023-2024 នេះ ដោយស៊ុតបញ្ចូលទីបាន 12 គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបានម្ដង ក្នុងការបង្ហាញខ្លួន 16 ប្រកួត។
ទោះជាយ៉ាងណាក៏ដោយ ថ្មីៗនេះ Antoine Griezmann ត្រូវបានផ្សារភ្ជាប់ជាមួយនឹងការចាកចេញពីទឹកដីអេស្ប៉ាញ ខណៈដែលក្លឹប Atletico Madrid ត្រូវបានគេអះអាងថា មានចិត្តចង់លក់ខ្សែប្រយុទ្ធសញ្ជាតិបារាំងរូបនេះក្នុងតម្លៃ 22 លានផោន។
ផ្ទុយមកវិញ នៅថ្ងៃនេះរបាយការណ៍ពីអ្នកកាសែតលោក Fabrizio Romano បាននិយាយថា មិនមានអ្វីកើតឡើងដូចនៅក្នុងពាក្យចចាមអារ៉ាមនេះឡើយ ហើយ Griezmann បានច្រានចោលការចាកចេញពី Atletico Madrid។ កុងត្រាបច្ចុប្បន្នរបស់គាត់ មានសុពលភាពរហូតដល់ខែមិថុនា ឆ្នាំ 2026 ហើយប្រសិនបើ Griezmann ចាកចេញ នោះគឺគាត់អាចនឹងទៅលេងនៅទឹកដីអាមេរិក ដែលជាពេលចុងបញ្ចប់នៃអាជីពបាល់ទាត់របស់គាត់តែប៉ុណ្ណោះ។
ប្រភព: Sportsmole
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ2 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United