បាល់ទាត់អន្តរជាតិ
ក្លឹប 2 នៅអេស្ប៉ាញ កំពុងចាប់អារម្មណ៍ខ្លាំង និងចង់ចុះហត្ថលេខាលើ Mason Greenwood
ក្លឹប Getafe ដែលបច្ចុប្បន្នជាម្ចាស់បណ្ដោះអាសន្នរបស់ Mason Greenwood ត្រូវបានគេរាយការណ៍ថា នឹងជួបការលំបាកក្នុងការចរចាទិញផ្ដាច់កុងត្រារបស់ខ្សែប្រយុទ្ធរូបនេះ នៅរដូវក្ដៅឆ្នាំក្រោយ ដោយសារចំនួនក្លឹបដែលចង់បានគេកាន់តែកើនឡើង ស្របពេលដែលបិសាចក្រហម Manchester United ក៏ចង់យកគេទៅវិញផងដែរ។
កាលពីដើមរដូវកាលកន្លងទៅ កីឡាករវ័យ 22 ឆ្នាំរូបនេះបានចាកចេញពីក្លឹបម្ចាស់ជើងឯករបស់អង់គ្លេស 20 សម័យកាល និងចូលរួមជាមួយ Getafe ក្នុងលក្ខខណ្ឌខ្ចីជើងពេញមួយរដូវកាល។ បន្ទាប់ពីនោះមក Mason Greenwood មានទម្រង់លេងយ៉ាងល្អ ដោយក្លាយជាកីឡាករដ៏សំខាន់របស់ក្លឹប Getafe និងរួមចំណែកស៊ុតបញ្ចូលទីបាន 4 គ្រាប់ បញ្ជូនបាល់ឲ្យមិត្តរួមក្រុមបានចំនួន 3 ដង ក្នុងការបង្ហាញខ្លួនសរុប 11 ប្រកួត។
ខ្សែប្រយុទ្ធជំនាញជើងឆ្វេង Mason Greenwood គ្រោងនឹងត្រឡប់ទៅ Old Trafford វិញ នៅខែមិថុនាឆ្នាំក្រោយ ហើយគាត់នៅសល់កុងត្រា 18 ខែទៀត ជាមួយបិសាចក្រហមផងដែរ។ យ៉ាងណា អ្នកកាសែតល្បីឈ្មោះលោក Jamie Jackson ថ្មីៗនេះបានអះអាងថា Greenwood ទំនងជាមិនសម្រេចចិត្តត្រឡប់ទៅ Man United នោះទេ។
យោងតាមកាសែត The Sun បានឲ្យដឹងថា ក្លឹប Real Sociedad និង Valencia ជាក្លឹប 2 ដែលមានគោលដៅច្បាស់លាស់ ត្រៀមចរចាដើម្បីចុះហត្ថលេខាលើ Greenwood ខណៈដែល Getafe អាចជួបការលំបាកក្នុងការទិញផ្ដាច់កុងត្រារបស់កីឡាករឆ្នើមរូបនេះ។ Greenwood ធ្លាប់បាននិយាយថា គាត់ពេញចិត្តក្នុងការបន្តអាជីពនៅទឹកដីអេស្ប៉ាញ ជាច្រើនរដូវកាលទៀតផងដែរ។
ប្រភព: Sportsmole
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
