បាល់ទាត់អន្តរជាតិ
Joao Felix ចង់ឲ្យខ្សែបម្រើមួយរូបរបស់ Liverpool ផ្ទេរមកលេងជាមួយគ្នានៅ Barcelona
ខ្សែប្រយុទ្ធឆ្នើម Joao Felix របស់ក្លឹបអ្នកមានបុណ្យ Barcelona បានលើកយកឈ្មោះកីឡាករ Dominik Szoboszlai ដែលបច្ចុប្បន្នកំពុងប្រកបអាជីពនៅលីគកំពូលនៃប្រទេសអង់គ្លេស Premier League ថាជាកីឡាករដែលគាត់ចង់លេងជាមួយ និងចង់ឲ្យក្លឹបយក្សកាតាឡាន់ចុះហត្ថលេខានាំយកគេមកទឹកដីអេស្ប៉ាញ។
យ៉ាងណាមិញ Joao Felix បាននិយាយថា គាត់ចង់លេងជាមួយ Szoboszlai នៅ Barcelona ព្រោះគាត់ចូលចិត្តការលេងរបស់ខ្សែបម្រើសញ្ជាតិហុងគ្រីរូបនេះ។ ថ្លែងទៅកាន់ SpilerTV កាលពីពេលថ្មីៗនេះ Felix បាននិយាយថា៖ “Dominik Szoboszlai របស់ហង្សក្រហម Liverpool។ ខ្ញុំចូលចិត្តការលេងរបស់គាត់ ហើយខ្ញុំគិតថា គាត់អាចលេងទីនេះនៅថ្ងៃណាមួយ”។
គួររំលឹកផងដែរថា Szoboszlai គឺជាកីឡាករចំណូលថ្មីរបស់ក្លឹប Liverpool ដែលពួកគេបានចុះហត្ថលេខាលើគាត់កាលពីដើមរដូវកាលនេះពី RB Leipzig ក្នុងតម្លៃខ្លួន 70 លានអឺរ៉ូ (60 លានផោន)។ បច្ចុប្បន្ន Szoboszlai បានដើរតួយ៉ាងសំខាន់នៅតំបន់បម្រើរបស់ក្រុមលោក Jurgen Klopp ខណៈពួកគេកំពុងឈរក្នុងចំណាត់ថ្នាក់លេខ 2 ក្នុងតារាង Premier League ផងដែរ។
ប្រភព: Dailypost NG
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United