បាល់ទាត់អន្តរជាតិ
Ronaldo និង Messi មិនស្ថិតក្នុងបញ្ជីឈ្មោះអត្តពលិកដែលគេស្វែងរកច្រើនបំផុតទាំង 10 នៅលើ Google ទេ!!!
ខ្សែប្រយុទ្ធរបស់ក្លឹប Inter Miami និងជាកីឡាករក្រុមជម្រើសជាតិអាហ្សង់ទីន Lionel Messi ជាមួយខ្សែប្រយុទ្ធរបស់ក្លឹប Al-Nassr គឺកីឡាករ Cristiano Ronaldo មិនស្ថិតក្នុងបញ្ជីឈ្មោះអត្តពលិកកំពូលៗទាំង 10 ដែលត្រូវបានគេស្វែងរកច្រើនជាងគេបំផុតនៅលើ Google ក្នុងឆ្នាំ 2023 នេះឡើយ។
យ៉ាងណាមិញ កីឡាករបាល់ឱបសញ្ជាតិអាមេរិក Damar Hamlin ដែលជាខ្សែការពារសម្រាប់ក្លឹប NFL Buffalo Bills បានជាប់ចំណាត់ថ្នាក់លេខ 1 នៅលើ Google។ បន្ទាប់ពីនោះ ខ្សែប្រយុទ្ធរបស់ Paris Saint-Germain និងក្រុមជម្រើសជាតិបារាំង Kylian Mbappe ស្ថិតនៅលំដាប់ទី 2 ហើយ Travis Kelce នៃក្លឹប NFL Kansas City Chiefs ដណ្តើមបានចំណាត់ថ្នាក់លេខ 3។
ទោះជាយ៉ាងណាក៏ដោយ គួរដឹងផងដែរថា ក្លឹបកីឡាដែលមានគេស្វែងរកច្រើនបំផុតនៅលើ Google គឺក្លឹប Inter Miami របស់ Messi ហើយ Al-Nassr របស់ Ronaldo បានជាប់ចំណាត់ថ្នាក់លេខ 3។ ដោយឡែកក្លឹបបាល់ទាត់របស់កីឡាករឆ្នើមទាំង 2 រូបនេះ នឹងត្រូវជួបគ្នានៅក្នុងការប្រកួតមិត្តភាពមួយ ដែលនឹងប្រព្រឹត្តទៅនៅខែកុម្ភៈ ឆ្នាំ 2024 ក្នុងទឹកដីរបស់ប្រទេសអារ៉ាប៊ីសាអូឌីត។
ប្រភព: Telecomasia
-
បាល់ទាត់អន្តរជាតិ3 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ3 days ago
Pep Guardiola កំពុងពិចារណាលើអនាគតរបស់ Joao Cancelo