បាល់ទាត់អន្តរជាតិ
Barcelona កំពុងពិចារណានាំយកអតីតខ្សែបម្រើ Thiago Alcantara ត្រឡប់ទៅវិញ
ក្លឹបអ្នកមានបុណ្យ Barcelona ត្រូវបានគេរាយការណ៍ថា ចង់នាំយកអតីតខ្សែបម្រើ Thiago Alcantara ត្រឡប់មកអតីតក្លឹបចាស់វិញ។ កីឡាករវ័យ 32 ឆ្នាំរូបនេះពីមុនធ្លាប់បានលេងឲ្យក្លឹបយក្សកាតាឡាន់អស់រយៈពេល 8 ឆ្នាំនៅចន្លោះឆ្នាំ 2005 ដល់ 2013 មុនពេលចាកចេញទៅទឹកដីអាឡឺម៉ង់ ដោយចូលរួមជាមួយ Bayern Munich។
កីឡាករសញ្ជាតិអេស្ប៉ាញរូបនេះ គឺជាអតីតយុវជនរបស់ La Masia និងធ្លាប់បានឈ្នះពានជាច្រើនក្នុងអាជីពបាល់ទាត់របស់ខ្លួន។ Thiago Alcantara ធ្លាប់បានឈ្នះ UEFA Champions League, La Liga និង Club World Cup ជាមួយ Barcelona ហើយក្រោយមកក៏ត្រូវបានក្លឹបលក់ចេញទៅឲ្យ Bayern Munich ក្នុងតម្លៃ 21.5 លានផោន។
បន្ទាប់ពីរួមរស់ក្នុងទ្រនំជាមួយ Bayern Munich អស់រយៈពេល 7 ឆ្នាំ គាត់បានផ្ទេរទៅ Liverpool ក្នុងឆ្នាំ 2020 ប៉ុន្តែទម្រង់លេងរបស់គាត់ មិនល្អដូចពេលនៅអាឡឺម៉ង់ឡើយ ដោយសារបញ្ហារបួសជាញឹកញាប់។ ទោះជាយ៉ាងណា គាត់ក៏បានរួមចំណែកស៊ុតបញ្ចូលទីបាន 3 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 6 ដងផងដែរ ក្នុងការបង្ហាញខ្លួនសរុប 97 ប្រកួត។
ខ្សែបម្រើដែលពោរពេញដោយបទពិសោធន៍រូបនេះ នឹងផុតកុងត្រាជាមួយ Liverpool នៅចុងបញ្ចប់នៃរដូវកាលនេះ ហើយគេគិតថា ប្រហែលជាក្លឹបហង្សក្រហមនឹងមិនផ្ដល់កុងត្រាថ្មីដល់គាត់នោះទេ។ របាយការណ៍ជាច្រើនបានអះអាងថា ក្លឹបនៅក្របខ័ណ្ឌ Serie A ចំនួន 2 គឺ Inter Milan និង Juventus ចាប់អារម្មណ៍ចង់បាន Thiago Alcantara ប៉ុន្តែបើយោងតាមកាសែត The Mirror បានឲ្យដឹងថា Barcelona ចង់នាំយកអតីតកីឡាកររបស់ខ្លួនរូបនេះត្រឡប់ទៅ Camp Nou វិញ ក្នុងខែមករាដើមឆ្នាំនេះ។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
