បាល់ទាត់អន្តរជាតិ
Thierry Henry រំលឹករឿងអតីតកាល ដែលគាត់ធំធាត់ឡើងក្នុងមជ្ឈដ្ឋានឧក្រិដ្ឋជន និងអ្នកប្រើប្រាស់ថ្នាំញៀន
អតីតខ្សែប្រយុទ្ធរបស់ក្លឹប Monaco, Juventus, Arsenal និង Barcelona គឺលោក Thierry Henry ដែលបច្ចុប្បន្នជាគ្រូបង្វឹករបស់ក្រុមបាល់ទាត់ជម្រើសជាតិបារាំងអាយុក្រោម 21 ឆ្នាំ បានរំលឹករឿងអតីតកាលពីកុមារភាពរបស់គាត់នៅក្នុងប្រទេសកំណើតរបស់ខ្លួន ដែលពោរពេញដោយទិដ្ឋភាពមិនល្អ។
សូមរំលឹកផងដែរថា Henry ពេលនេះមានអាយុ 46 ឆ្នាំ និងបានចូលនិវត្តន៍ពីបាល់ទាត់ផងដែរកាលពីឆ្នាំ 2014។ អតីតកីឡាករឆ្នើមរូបនេះមានដើមកំណើតនៅ Les Ulis ក្នុងតំបន់ Ile-de-France ដែលស្ថិតក្នុងភាគកណ្តាលនៃប្រទេសបារាំង។
លោក Thierry Henry បានរំលឹករឿងអតីតកាលដោយនិយាយថា គាត់បានស្ថិតនៅក្នុងសង្កាត់មួយកាលពីក្មេង រួមរស់ប្រៀបដូចជាបងប្អូន និងជាអ្នកជិតខាងជាមួយក្មេងទំនើង ដែលសេពគ្រឿងញៀន ការវាយតប់កាប់ចាក់គ្នា រួមទាំងការបែងចែកសាសនាជាច្រើនលាយចម្រុះគ្នាផងដែរ។
ទោះជាយ៉ាងណាក៏ដោយ Thierry Henry បានចាកចេញពីជីវិតដែលសង្គមមិនទទួលស្គាល់ដូចមនុស្សជាច្រើនដែលរស់នៅក្នុងតំបន់គាត់ ហើយបានក្លាយជាកីឡាករបាល់ទាត់ដ៏អស្ចារ្យបំផុតក្នុងប្រវត្តិសាស្ត្រ។ មុនចូលនិវត្តន៍ពីបាល់ទាត់ Thierry Henry គឺជាខ្សែប្រយុទ្ធរបស់ក្លឹបកាំភ្លើងធំ Arsenal និងក្រុមជម្រើសជាតិបារាំង ដែលបានកសាងសមិទ្ធិផលដ៏អស្ចារ្យជាច្រើន។
ប្រភព: Telecomasia
-
បាល់ទាត់អន្តរជាតិ2 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ23 hours ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)