បាល់ទាត់អន្តរជាតិ
ជំហានបន្ទាប់របស់ Jose Mourinho អាចនឹងទៅដឹកនាំក្លឹបនៅអារ៉ាប៊ីសាអូឌីត
លោក Jose Mourinho ត្រូវបានគេអះអាងថា កំពុងមានភាគរយខ្ពស់ ក្នុងការបន្តអាជីពជាគ្រូបង្វឹកដែលជាជំហានបន្ទាប់របស់គាត់ ដោយផ្ទេរទៅកាន់ទឹកដីរបស់អារ៉ាប៊ីសាអូឌីត (Saudi Pro League) បន្ទាប់ពីគាត់ត្រូវបានក្លឹប AS Roma បណ្តេញចេញពីតំណែងកាលពីថ្ងៃអង្គារ ដើមសប្ដាហ៍នេះ។
យ៉ាងណាមិញ បុរសវ័យ 60 ឆ្នាំរូបនេះបានចាកចេញពីទឹកដី Serie A របស់អ៊ីតាលី បន្ទាប់ពីដឹកនាំ Roma អស់រយៈពេល 2 ឆ្នាំកន្លះ។ Jose Mourinho ធ្លាប់បានកសាងសមិទ្ធិផលដោយជួយក្លឹប AS Roman ឲ្យឈ្នះពានធំនៅតំបន់អឺរ៉ុបជាលើកដំបូងក្នុងរយៈពេល 61 ឆ្នាំចុងក្រោយ ដោយលើកពាន Europa Conference League កាលខែឧសភា ឆ្នាំ 2022។
ទោះជាយ៉ាងណាក៏ដោយ Roma បានចាប់ផ្ដើមទម្រង់លេងមិនសូវល្អនៅរដូវកាលនេះ ហើយកំពុងឈរនៅចំណាត់ថ្នាក់លេខ 9 នៅក្នុងតារាងក្របខណ្ឌលីគកំពូល ដែលជាមូលហេតុដ៏ធំធ្វើឲ្យពួកគេបញ្ចប់តំណែងរបស់លោក Jose Mourinho។ កន្លងមក Mourinho ធ្លាប់បានបដិសេធមិនចូលរួមជាមួយក្លឹបនៅអារ៉ាប៊ីសាអូឌីត ប៉ុន្តែពេលនេះស្ថានភាពបានផ្លាស់ប្ដូរ ហើយគ្រូបង្វឹករូបនេះ ត្រូវបានគេដឹងថា បានត្រៀមខ្លួនរួចជាស្រេច ដើម្បីទៅកើបលុយធំនៅ Saudi Pro League។
ប្រភព: Dailypost NG
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
