បាល់ទាត់អន្តរជាតិ
Jose Mourinho ប្រាប់ឈ្មោះកីឡាករឆ្នើមមួយរូប ដែលគាត់ចង់បង្វឹកបំផុត!!!
អតីតគ្រូបង្វឹករបស់ក្លឹបបិសាចក្រហម Manchester United និងតោខៀវ Chelsea លោក Jose Mourinho បានសរសើរកីឡាករឆ្នើមរបស់ក្លឹប Inter Miami គឺកីឡាករ Lionel Messi ដោយបានសារភាពថា Messi ជាមនុស្សម្នាក់ដែលគាត់ចង់ដឹកនាំបំផុតក្នុងអាជីពរបស់ខ្លួន តែខ្សែប្រយុទ្ធរូបនេះមិនចាំបាច់ត្រូវការគេបង្វឹកក៏បានដែរ។
នៅពេលត្រូវបានគេសួរថា តើនរណាដែលគាត់ចង់ធ្វើការជាមួយបំផុត ក្នុងនាមជាគ្រូបង្វឹកម្នាក់? ពេលនោះ Jose Mourinho បានឆ្លើយតបថា៖ “ជាឧទាហរណ៍ ខ្ញុំមិនដែលបង្វឹក Lionel Messi ទេ ប៉ុន្តែបន្ទាប់មកគ្មាននរណាម្នាក់អាចបង្ហាត់ Messi បានទេ។ វាជារឿងមិនទំនងទាល់តែសោះដែលអ្នកអាចបង្វឹកគាត់បាន ព្រោះគាត់កើតមកមានអ្វីៗគ្រប់យ៉ាង ហើយដឹងគ្រប់យ៉ាងរួចទៅហើយ។ គាត់ប្រហែលជាបង្រៀនអ្នកពីរឿងខ្លះទៅវិញ។ អ្វីដែលអ្នកអាចនិយាយបានគឺថា អ្នកមានកិត្តិយសដែលមានគាត់ក្នុងក្រុមរបស់អ្នក”។
យ៉ាងណាមិញ បច្ចុប្បន្ន Lionel Messi ត្រូវបានគេចាត់ទុកថា ជាកីឡាករល្អបំផុតក្នុងប្រវត្តិសាស្ត្រទៅហើយបន្ទាប់ពីគាត់បានឈ្នះពានគ្រប់យ៉ាងក្នុងអាជីពរបស់ខ្លួន។ Messi ត្រូវបានគេគិតថា បានយកឈ្នះគូប្រជែងរបស់គាត់ Cristiano Ronaldo ផងដែរ។ កីឡាករវ័យ 36 ឆ្នាំ រូបនេះស៊ុតបញ្ចូលទីបាន 715 គ្រាប់ ក្នុងកម្រិតក្លឹបអាជីព ហើយក្នុងនោះមាន 672 គ្រាប់ ជាការស៊ុតបញ្ចូលទីនៅអតីតក្លឹបចាស់ FC Barcelona។
ប្រភព: Sportskeeda
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
Barcelona កំពុងពិចារណាលក់ខ្សែបម្រើវ័យ 21 ឆ្នាំរបស់ខ្លួននៅរដូវក្ដៅនេះ!!!
Mbappe កំពុងចរចាទិញផ្ទះរបស់ Sergio Ramos ដែលស្ថិតនៅក្នុងទីក្រុង Madrid
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
