បាល់ទាត់អន្តរជាតិ
អ្នកតំណាងរបស់ Mourinho កំពុងទាក់ទង Barcelona ជុំវិញតំណែងជាគ្រូបង្វឹកថ្មីជំនួស Xavi
លោក Jorge Mendes ដែលជាភ្នាក់ងារ ក៏ដូចជាអ្នកតំណាងរបស់លោក Jose Mourinho ត្រូវបានគេរាយការណ៍ថា បានទាក់ទងទៅក្លឹប Barcelona ជុំវិញតំណែងជាគ្រូបង្វឹកថ្មីនៅ Camp Nou។ យ៉ាងណាមិញ បច្ចុប្បន្ន Barcelona កំពុងស្វែងរកគ្រូបង្វឹកថ្មី ឲ្យបានមុនរដូវកាលថ្មី 2024-2025 ចាប់ផ្ដើម។
គ្រូបង្វឹកបច្ចុប្បន្នរបស់ពួកគេគឺលោក Xavi Hernandez បានប្រកាសកាលពីល្ងាចថ្ងៃសៅរ៍សប្ដាហ៍មុនថា គាត់បានសម្រេចចិត្តរួចហើយ ក្នុងការចាកចេញពីក្លឹបយក្សកាតាឡាន់នៅចុងបញ្ចប់នៃយុទ្ធនាការរដូវកាលឆាប់ៗខាងមុខ ខណៈដែលទម្រង់លេងរបស់ក្រុមប្រហែលជាមិនអាចប្រជែងពាន La Liga បានឡើយនៅរដូវកាលនេះ។
មានគ្រូបង្វឹកជាច្រើន ត្រូវបានផ្សារភ្ជាប់នឹងតំណែងជាគ្រូបង្វឹកថ្មីរបស់ Barcelona។ ដោយឡែកសម្រាប់លោក Jose Mourinho ក៏កំពុងទំនេរពីការងារផងដែរ បន្ទាប់ពីត្រូវបានអតីតក្លឹបចាស់ AS Roma បណ្ដេញគាត់ចេញពីតំណែងកាលពីប៉ុន្មានសប្ដាហ៍មុន។
យោងតាមសារព័ត៌មាន ABC របស់អេស្ប៉ាញ បានឲ្យដឹងថា ភ្នាក់ងាររបស់ Jose Mourinho គឺលោក Jorge Mendes បានផ្ដល់ជម្រើសគ្រូបង្វឹករូបនេះ ទៅកាន់ក្លឹប Barcelona ខណៈដែលក្លឹបកំពុងស្វែងរកអ្នកស្នងតំណែងរបស់ Xavi ឲ្យបានកាន់តែលឿនតាមដែលអាចទៅរួច។
ដូចគ្នានេះដែរ គេបានដឹងថា នាយកផ្នែកកីឡារបស់ Barcelona គឺលោក Deco ជាអ្នកគាំទ្រចង់បានគ្រូបង្វឹកវ័យ 61 ឆ្នាំ Jose Mourinho ព្រោះអ្នកទាំង 2 ក៏មានសញ្ជាតិព័រទុយហ្គាល់ដូចគ្នា ហើយគ្រូបង្វឹករូបនេះក៏ធ្លាប់បានកសាងសមិទ្ធិផលដ៏អស្ចារ្យជាច្រើនក្នុងពិភពបាល់ទាត់ផងដែរ។
ប្រភព: Sportsmole
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
Barcelona កំពុងពិចារណាលក់ខ្សែបម្រើវ័យ 21 ឆ្នាំរបស់ខ្លួននៅរដូវក្ដៅនេះ!!!
Mbappe កំពុងចរចាទិញផ្ទះរបស់ Sergio Ramos ដែលស្ថិតនៅក្នុងទីក្រុង Madrid
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
