បាល់ទាត់អន្តរជាតិ
Arsenal កំពុងមានឱកាសខ្ពស់ ក្នុងការចុះហត្ថលេខាផ្ទេរ Xavi Simons
ក្លឹបកាំភ្លើងធំ Arsenal ត្រូវបានគេរាយការណ៍ថា កំពុងស្ថិតនៅលើឱកាសខ្ពស់ ដើម្បីអាចចុះហត្ថលេខាបានសម្រេចទៅលើខ្សែប្រយុទ្ធ Xavi Simons។ កីឡាករវ័យ 20 ឆ្នាំរូបនេះ បានត្រឡប់ទៅ PSG វិញ បន្ទាប់ពីចប់ភារកិច្ចខ្ចីជើងជាមួយ PSV Eindhoven កាលពីរដូវក្តៅឆ្នាំមុន។
ទោះជាយ៉ាងណាក៏ដោយ គាត់បានបន្តដំណើរអាជីពបាល់ទាត់របស់ខ្លួនដោយចូលរួមជាមួយក្លឹប RB Leipzig ក្នុងលក្ខខ័ណ្ឌខ្ចីជើងពេញមួយរដូវកាល 2023-2024។ ខ្សែប្រយុទ្ធស្លាប Xavi Simons បានបង្ហាញភាពលេចធ្លោរជាថ្មីម្ដងទៀត ជាមួយនឹងទម្រង់លេងដ៏ល្អរបស់គាត់ដែលត្រូវបានគេចាត់ទុកជាតារាឆ្នើមមួយរូបប្រចាំទឹកដី Bundesliga។
Simons បានស៊ុតបញ្ចូលទីចំនួន 6 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 9 ដង ក្នុងការបង្ហាញខ្លួន 26 ប្រកួតសម្រាប់ RB Leipzig។ ទោះជាយ៉ាងណាក៏ដោយគាត់ នឹងត្រូវត្រឡប់ទៅ PSG វិញ នៅចុងបញ្ចប់នៃរដូវកាលនេះ ខណៈដែលកុងត្រារបស់គាត់ជាមួយក្លឹបយក្សបារាំងនៅមានសុពភាពរហូតដល់ខែមិថុនាឆ្នាំ 2027។
យោងតាមរបាយការណ៍ពី Bild បានឲ្យដឹងថា ក្លឹបកាំភ្លើងធំ Arsenal ពេលនេះ កំពុងតាមដានយ៉ាងដិតដល់លើទម្រង់លេងរបស់គាត់ ហើយកាំភ្លើងធំត្រូវបានចាត់ទុកថាជាបេក្ខភាពដែលមានឱកាសខ្ពស់ក្នុងការចុះហត្ថលេខាលើកីឡាករឆ្នើម Xavi Simons ប្រសិនបើ PSG ព្រមលក់គេនៅអំឡុងពាក់កណ្ដាលឆ្នាំនេះ។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo