បាល់ទាត់អន្តរជាតិ
Tottenham Hotspur បើកការចរចាផ្ទេរខ្សែប្រយុទ្ធមួយរូបដែលជាមិត្តរួមសញ្ជាតិជាមួយ Haaland
ក្លឹបមាន់ខ្នាយមាស Tottenham Hotspur ត្រូវបានគេរាយការណ៍ថា កំពុងព្យាយាមចុះហត្ថលេខាលើខ្សែប្រយុទ្ធស្លាប Antonio Nusa របស់ក្លឹប Brugge។ គិតចាប់តាំងពីការមកដល់របស់គ្រូបង្វឹកលោក Ange Postecoglou ក្លឹបរបស់អង់គ្លេសមួយនេះ បានព្យាយាមយ៉ាងខ្លាំងក្នុងស្វែងរកបេក្ខភាពខ្សែប្រយុទ្ធថ្មី ជាពិសេសដោយសារតែការលក់ Harry Kane ទៅឲ្យ Bayern Munich។
ទោះជាយ៉ាងណាក៏ដោយ ថ្វីត្បិតតែ Tottenham Hotspur មិនមានបេក្ខភាពខ្សែប្រយុទ្ធដ៏ល្អបំផុតក៏ដោយ តែពួកគេជាក្លឹបដែលរកបានគ្រាប់បាល់ច្រើនបំផុតនៅក្នុងក្របខ័ណ្ឌ Premier League ដោយមានតែ Manchester City ប៉ុណ្ណោះដែលមានស្ថិតិស៊ុតបញ្ចូលទីបានច្រើនគ្រាប់ជាងគេក្នុងឆ្នាំ 2023-2024 នេះ។
ខ្សែប្រយុទ្ធស្លាបស្ដាំបច្ចុប្បន្នរបស់មាន់ខ្នាយមាសគឺ Brennan Johnson ខណៈដែល James Maddison ជាខ្សែបម្រើប្រយុទ្ធដែលជួយជ្រោមជ្រែងនៅតំបន់ខាងលើ។ សម្រាប់ខ្សែប្រយុទ្ធស្លាបឆ្វេងនឹងប្រគល់ឲ្យ Timo Werner ដែលទើបតែខ្ចីជើងពី RB Leipzig ហើយ Richarlison និង Son Heung-Min លេងផ្លាស់ប្ដូរគ្នាម្ដងម្កាល។
យ៉ាងណា យោងតាមរបាយការណ៍ពី HLN បានឲ្យដឹងថា Tottenham Hotspur បានឈានដល់ការពិភាក្សាជាមួយក្លឹប Brugge ទាក់ទងនឹងការទិញយក Antonio Nusa ដែលជាកីឡាករដ៏មានសក្ដានុពលនាពេលអនាគត។ កីឡាករវ័យ 18 ឆ្នាំរូបនេះ បានបង្ហាញខ្លួនសរុបចំនួន 62 ប្រកួតមកហើយ សម្រាប់ក្លឹបនៅលីគកំពូលប្រទេសបែលហ្ស៊ិក ដោយបានរួមចំណែកស៊ុតបញ្ចូលទីបាន 6 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 4 ដង។
ជាមួយនឹង Antonio Nusa ដែលមានកុងត្រារហូតដល់ឆ្នាំ 2027 នោះ ក្លឹប Brugge នឹងស្ថិតក្នុងជំហរចង់រក្សាទុកគាត់បន្តទៀត ប៉ុន្តែពួកគេក៏ប្រហែលជាមិនអាចហាមឃាត់គាត់មិនឲ្យចាកចេញ ដើម្បីស្វែងរកក្លឹបថ្មីដែលធំជាមុនដែរ។ ទន្ទឹមនឹងនេះ Liverpool, Arsenal, Chelsea និង Fulham ត្រូវបានគេដឹងថា សុទ្ធតែជាក្លឹបដែលបានចាប់អារម្មណ៍លើកីឡាករវ័យក្មេងរូបនេះ។
ប្រភព: Sportsmole
Idrissa Gueye ស៊ុត 1 គ្រាប់ ជួយ Everton ចេញពីតំបន់ត្រូវកាត់ចោល
Barcelona គ្រោងចរចាកាត់ប្រាក់ខែរបស់ Lewandowski
Rakitic អះអាងថា ប្រសិន Messi លេងជាខ្សែការពារឆ្វេង ក៏គាត់នៅតែអាចក្លាយជាកីឡាករល្អបំផុតក្នុងពិភពបាល់ទាត់
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
ក្លឹបយក្សមួយ ចង់ចុះហត្ថលេខានាំយក Cristiano Ronaldo ត្រឡប់ទៅ Premier League វិញ
-
បាល់ទាត់អន្តរជាតិ3 days agoChelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days agoVan Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ3 days agoកីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!