បាល់ទាត់អន្តរជាតិ
ខ្សែប្រយុទ្ធរបស់ក្លឹប Al-Hilal ថា ខ្លួនធ្វើស្តាយ Siuuu មិនមែនព្យាយាមបំបាក់មុខ រឺមើលងាយ Messi ឡើយ
ខ្សែប្រយុទ្ធរបស់ក្លឹប Al-Hilal គឺកីឡាករ Michael បានអះអាងថា គាត់មិនបានព្យាយាមបំបាក់មុខ រឺមើលងាយតារាឆ្នើមរបស់ក្លឹប Inter Miami ឡើយ នៅក្នុងជំនួបមិត្តភាព Riyadh Season Cup កាលពីប៉ុន្មានថ្ងៃមុន ជាមួយនឹងការធ្វើស្តាយអបអរគ្រាប់បាល់ Siuuu ដែលជាស្តាយប្រចាំត្រកូលរបស់ Cristiano Ronaldo។
គួររំលឹកផងដែរថា ខ្សែប្រយុទ្ធប្រេស៊ីលរបស់ក្លឹប Al-Hilal រូបនេះគឺជាកីឡាករដ៏ល្អម្នាក់ប្រចាំលីគកំពូលរបស់អារ៉ាប៊ីសាអូឌីត (Saudi Pro League) ហើយនៅក្នុងការប្រកួតរបស់គាត់ទល់នឹង Inter Miami កាលពីប៉ុន្មានថ្ងៃមុន ក្នុងពាន Riyadh Cup គាត់ក៏បានស៊ុតបញ្ចូលទី 1 គ្រាប់នៅនាទីទី 44។
ក្រៅពីការស៊ុតបញ្ចូលទី 1 គ្រាប់ដ៏ល្អរបស់ Michael នោះ អ្វីដែលគួរឲ្យចាប់អារម្មណ៍គឺ គាត់បានប្រើស្ដាយអបអរតាម Cristiano Ronaldo ដែលធ្វើឲ្យអ្នកគាំទ្រមួយចំនួនគិតថា គាត់បានឌឺដងទៅកាន់ Lionel Messi។ ផ្ទុយមកវិញ នៅក្រោយចប់ការប្រកួត Michael បានបដិសេធលើរឿងនេះ ដោយអះអាងថា Messi គឺជាកីឡាករដ៏ល្អបំផុតក្នុងពិភពបាល់ទាត់ ដោយមិនមាននរណាអាចប្រៀបប្រដូចបាន។
Michael បាននិយាយថា៖ “ខ្ញុំមិនប្រៀបធៀបនរណាម្នាក់ទៅនឹង Messi ទេ។ ការប្រៀបធៀបបែបនេះ មិនមែនសម្រាប់ខ្ញុំឡើយ។ ខ្ញុំជាអ្នកគោរពគាត់ ខ្ញុំជាអ្នកគាំទ្រគាត់។ ខ្ញុំសូមអរគុណដល់ព្រះ សម្រាប់ឱកាសដ៏រីករាយ និងលេងក្នុងការប្រកួតបាល់ទាត់ជាមួយគាត់។ ខ្ញុំសូមអរគុណអ្នកទាំងអស់ ដែលរៀបចំកម្មវិធី Riyadh Season Cup ដោយបានអនុញ្ញាតឲ្យយើងប្រឈមមុខនឹងកីឡាករល្អបំផុតនៅលើពិភពលោកគឺ Lionel Messi”។
ប្រភព: GOAL
បិសាចក្រហម កំពុងពិចារណាចង់ចុះហត្ថលេខាលើ Joselu
Premier League ត្រៀមតេស្តសាកល្បងបំពាក់កាមេរ៉ាលើអាជ្ញាកណ្ដាលនៅក្នុងការប្រកួតរបស់បិសាចក្រហមរំលងអាធ្រាតនេះ!!!
ប្រធានក្លឹប Barcelona ខឹងខ្លាំង ក្រោយក្រុមរបស់ខ្លួនចាញ់ Girona 4-2
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
