បាល់ទាត់អន្តរជាតិ
Lautaro Martinez កាន់កាប់ចំនួនគ្រាប់បាល់ស៊ុតបញ្ចូលទីច្រើនដាច់គេប្រចាំ Serie A
បន្ទាប់ពីស៊ុតបញ្ចូលទីបាន 1 គ្រាប់ក្នុងជ័យជម្នះរបស់ Inter Milan ទៅលើ Salernitana ក្នុងលទ្ធផល 4-0 ខ្សែប្រយុទ្ធឆ្នើម Lautaro Martinez បានបន្តឈរក្នុងតំណែងជាកីឡាករដែលស៊ុតបានច្រើនគ្រាប់ជាងគេប្រចាំលីគកំពូលរបស់អ៊ីតាលី (ក្របខណ្ឌ Serie A)។
បច្ចុប្បន្ន Lautaro Martinez មានចំនួនគ្រាប់បាល់ស៊ុតបញ្ចូលទីរហូតដល់ 20 គ្រាប់ ក្នុងការបង្ហាញខ្លួនសរុប 22 ប្រកួតនៅរដូវកាលនេះ ដែលជាការប្រកួតលីគ។ យ៉ាងណាមិញស្ថិតិនៃគ្រាប់បាល់នេះ បានធ្វើឲ្យតារាឆ្នើមអាហ្សង់ទីន មានគ្រាប់បាល់ច្រើនដាច់គេ ខណៈដែលអ្នកស៊ុតបញ្ចូលទីច្រើនលំដាប់ទី 2 គឺ Dusan Vlahovic មានត្រឹមតែ 12 គ្រាប់ប៉ុណ្ណោះ ហើយលេខ 3 គឺ Olivier Giroud មាន 11 គ្រាប់។
ថ្វីត្បិតតែ Lautaro Martinez បានបាត់បង់ដៃគូចាស់ Romelu Lukaku ដែលបានចាកចេញនៅដើមរដូវកាលនេះក៏ដោយ គាត់បានលេងយ៉ាងស៊ីសង្វាក់គ្នាជាមួយកីឡាករចំណូលថ្មី Marcus Thuram ដែលផ្ទេរពី Monchengladbach។ Lautaro Martinez កំពុងមានភាគរយខ្ពស់បំផុត ក្នុងការឈ្នះស្បែកជើងមាសប្រចាំលីគអ៊ីតាលី នៅរដូវកាលនេះផងដែរ។
ប្រភព: GOAL
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ3 days ago
Xavi ទាមទារឲ្យក្លឹបចុះហត្ថលេខាលើខ្សែបម្រើកណ្ដាលមួយរូបរបស់ក្លឹប Real Sociedad