បាល់ទាត់អន្តរជាតិ
Hazard បដិសេធមិនយល់ស្របតាមសម្ដីនៃការលើកឡើងរបស់ Cristiano Ronaldo
អតីតវីរបុរសបាល់ទាត់របស់ក្លឹបតោខៀវ Chelsea និងក្រុមជម្រើសជាតិបែលហ្ស៊ិកលោក Eden Hazard បានសម្តែងការមិនយល់ស្របនឹងសេចក្តីថ្លែងការណ៍របស់ Cristiano Ronaldo កាលពីមួយរយៈមុន ដែលបានអះអាងថា លីគរបស់អារ៉ាប៊ីសាអូឌីតខ្លាំងជាងលីគបារាំង (Ligue 1)។
យ៉ាងណាមិញ Hazard បាននិយាយកាលពីពេលថ្មីៗនេះនៅក្នុងកម្មវិធី ObiOne ថា៖ “ខ្ញុំមិនយល់ស្របជាមួយគាត់ (Cristiano Ronaldo) ទេ។ ខ្ញុំប្រាកដថា ប្រសិនបើក្រុមនៅ Ligue 1 លេងទល់ជាមួយក្រុមមកពីអារ៉ាប៊ីសាអូឌីត ពួកគេនឹងឈ្នះ។ វាប្រហែលជាមិនងាយស្រួល ដូចជាការគិតរបស់មនុស្សយើងទេ ប៉ុន្តែកម្រិតបាល់ទាត់នៅប្រទេសបារាំងគឺពិតជាល្អ”។
គួរដឹងផងដែរថា ពីឆ្នាំ 2008 ដល់ឆ្នាំ 2012 អតីតខ្សែប្រយុទ្ធឆ្នើម Eden Hazard បានប្រកបអាជីពនៅ Ligue 1 ដោយលេងឲ្យក្លឹប Lille និងធ្លាប់ឈ្នះជើងឯកលីគកំពូលបារាំងម្ដង ជាមួយក្លឹបក្នុងឆ្នាំ 2011។ លើសពីនេះទៀត Hazard ក៏ធ្លាប់ត្រូវបានតែងតាំងជាកីឡាករល្អបំផុតប្រចាំរដូវកាលនៅ Ligue 1 បានចំនួន 2 ដងផងដែរ។
ប្រភព: Dailysports
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
