ផ្លូវការណ៍៖ Toni Kroos ប្រកាស​បញ្ជាក់​ពី​ការ​វិល​ត្រឡប់​ចូល​ក្រុម​ជម្រើស​ជាតិ​​វិញ

កាល​ពី​ម្សិលមិញ​នេះ ខ្សែបម្រើ​ឆ្នើម Toni Kroos របស់​ក្លឹប​អធិរាជស Real Madrid បាន​ប្រកាស​ពី​ការ​វិល​ត្រឡប់​របស់​គាត់​ទៅ​កាន់​ក្រុម​ជម្រើស​ជាតិ​អាឡឺម៉ង់​វិញ (នេះ​បើ​យោងតាម​​សេចក្តីថ្លែង​ការណ៍​នៅ​លើ​គណនី Instagram ផ្លូវការ​របស់​គាត់)។

យ៉ាង​ណា​មិញ ទាក់​ទង​នឹង​ការ​វិល​ត្រឡប់​មក​វិញ​នេះ Toni Kroos បាន​បង្ហើប​ថា គ្រូបង្វឹក​ក្រុម​ជម្រើស​ជាតិ​អាឡឺម៉ង់​បច្ចុប្បន្ន​គឺ​លោក Julian Nagelsmann បាន​ស្នើ​សុំ​ដល់​គាត់។ ខ្សែបម្រើ​រូបនេះ​កំពុង​ត្រៀម​នឹង​ពាក់​អាវ​ក្រុម​ជម្រើស​ជាតិ​អាឡឺម៉ង់​ជាថ្មី​ម្ដង​ទៀត​នៅ​ក្នុង​ព្រឹត្តិការណ៍​នៃ​ការ​ប្រកួត​យូរ៉ូ​នា​​រដូវក្តៅ​នេះ។

គួរ​រំលឹក​ផង​ដែរ​ថា Kroos ដែល​ធ្លាប់​ឈ្នះពាន World Cup កាល​ពី​ឆ្នាំ 2014 បាន​ប្រកាស​ចូល​និវត្តន៍​ពី​ក្រុម​ជម្រើសជាតិ​របស់​គាត់​ម្ដង​ហើយ កាល​ពី​ខែ​កក្កដា ឆ្នាំ 2021 បន្ទាប់​ពី​ពេល​នោះ​អាឡឺម៉ង់​ត្រូវ​បាន​អង់គ្លេស​លុត 2-0 ក្នុង​វគ្គ 16 ក្រុម​ចុង​ក្រោយ​នៃ​ការ​ប្រកួត​យូរ៉ូ​ឆ្នាំ 2020។

ប្រភព: Telecomasia