បិសាចក្រហម​ត្រៀម​ចំណាយ​លុយ​ធំ ដើម្បី​ឆក់​យក​ឱកាស​ចុះ​ហត្ថលេខា​លើ Messinho

ក្លឹប​អធិរាជស Real Madrid កំពុង​ព្យាយាម​យ៉ាង​សកម្ម ក្នុង​ការ​ផ្ទេរ​កីឡាករ​ឆ្នើម​សញ្ជាតិ​ប្រេស៊ីល​មួយ​រូប ដើម្បី​មក​ពង្រឹង​ក្រុម​របស់​ពួកគេ។ ផ្សេង​ពី​នេះ​ទៀត​នៅ​មុន​នេះ​បន្តិច មាន​សេចក្ដី​រាយការណ៍​មួយ​បាន​លើក​ឡើង​ថា កីឡាករ​មួយ​ចំនួន​អាច​ចាកចេញ​ពី Santiago Bernabeu នៅ​ចុង​បញ្ចប់​នៃ​រដូវកាល​ខាង​មុខ។

លោក Carlo Ancelotti ចង់​ចុះ​ហត្ថលេខា​លើ​កីឡាករ​ឆ្នើម​វ័យ 16 ឆ្នាំ​ពី​ក្លឹប Palmeiras គឺ​ខ្សែ​ប្រយុទ្ធ Estevao Willian ដែល​ត្រូវ​បាន​គេ​ហៅ​ឈ្មោះ​ក្រៅ​ថា “Messinho”។ ទោះ​ជា​យ៉ាង​ណា​ក៏​ដោយ បើ​យោង​តាម​របាយការណ៍​ពី Defensa Central បាន​ឲ្យ​ដឹង​ថា Manchester United ក៏​ទើប​នឹង​បាន​ចាប់អារម្មណ៍​ទៅ​លើ​កីឡាករ​វ័យ​ក្មេង​ដែល​មាន​ទេពកោសល្យ​រូប​នេះ​ផង​ដែរ។

មិន​តែ​ប៉ុណ្ណោះ គេ​បាន​ដឹង​ថា Real Madrid បាន​ត្រៀម​ទឹកប្រាក់​រហូត​ដល់ 60 លានអឺរ៉ូ ខណៈដែល​បិសាចក្រហម​គ្រោង​នឹង​ហ៊ាន​ចាយ​លុយ​រហូត​ដល់ 90 លានអឺរ៉ូ ដើម្បី​ធ្វើ​​ការ​វិនិយោគ​រយៈពេល​វែង​លើ Messinho។ កីឡាករ​ឆ្នើម​រូប​នេះ​ធ្លាប់​បង្ហាញ​ពី​លេច​ធ្លោរ​យ៉ាង​ខ្លាំង​ពេល​បង្ហាញ​ខ្លួន​ក្នុង​ព្រឹត្តិការណ៍ World Cup អាយុ​ក្រោម 17 ឆ្នាំ ដោយ​គាត់​បាន​ស៊ុតបញ្ចូលទី 2 គ្រាប់ និង Assists 3 ដង ក្នុង​ការ​បង្ហាញ​ខ្លួន 5 ប្រកួត​សម្រាប់​ក្រុម​ជម្រើស​ជាតិ​ប្រេស៊ីល។

ប្រភព: Dailysports