បាល់ទាត់អន្តរជាតិ
Jurgen Klopp លើកឡើងថា៖ ក្រុមរបស់ខ្លួនពិតជាសាកសមនឹងចាញ់ Atalanta បែបនេះហើយ!!!
គ្រូបង្វឹករបស់ក្លឹបហង្សក្រហម Liverpool លោក Jurgen Klopp បានធ្វើការអត្ថាធិប្បាយមួយចំនួនពាក់ព័ន្ធនឹងការបរាជ័យរបស់ក្រុមខ្លួន ក្រោមស្នាដៃក្រុមមកពីអ៊ីតាលី Atalanta។ គួរដឹងផងដែរថា កាលពីរំលងអាធ្រាតយប់មិញនេះ Liverpool បានធ្វើការប្រកួតនៅក្នុងវគ្គ 8 ក្រុមចុងក្រោយជើងទី 1 នៃក្របខណ្ឌ Europa League ទល់នឹងក្រុមភ្ញៀវ Atalanta។
យ៉ាងណាមិញ រឿងដែលនឹកស្មានមិនដល់បានកើតឡើង ដោយហង្សក្រហមបានចាញ់ក្នុងដីរបស់ខ្លួនឯងយ៉ាងអាម៉ាស់ ជាមួយនឹងលទ្ធផល 0 ទល់នឹង 3។ ផ្ទុយពីការសោកស្ដាយពីសំណាក់អ្នកគាំទ្រហង្សក្រហមលោក Jurgen Klopp បានអះអាងថា ទម្រង់លេងរបស់កូនក្រុមខ្លួនពិតជាសាកសមនឹងចាញ់បែបនេះហើយ។
គ្រូបង្វឹកសញ្ជាតិអាឡឺម៉ង់វ័យ 56 ឆ្នាំរូបនេះបាននិយាយថា៖ “យើងចាប់ផ្តើមការប្រកួតបានល្អ ហើយបន្ទាប់មកវាមិនបានបន្តទៀតទេ។ ពួកគេបានបំបែកទម្រង់លេងរបស់យើង ពួកគេបានស៊ុតបាល់បញ្ចូលទី ហើយយើងក៏បានធ្វើអ្វីៗខុសពីការគ្រោងទុក… យើងប្រកួតមិនល្អឡើយ ហើយយើងសមនឹងចាញ់”។
ប្រភព: Telecomasia
-
បាល់ទាត់អន្តរជាតិ3 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ19 hours ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona