បាល់ទាត់អន្តរជាតិ
De Bruyne ថា ខ្លួនអាចនឹងទៅលេងនៅអារ៉ាប៊ីសាអូឌីត ក្នុងកាលៈទេសៈណាមួយ
ខ្សែបម្រើសញ្ជាតិបែលហ្ស៊ិក Kevin De Bruyne របស់ក្លឹបមេឃខៀវ Manchester City បានបង្ហាញនៅក្នុងបទសម្ភាសន៍មួយជាមួយ HLN ថា គាត់មិនច្រានចោលការលើកឡើងដែលផ្សារភ្ជាប់ការបន្តអាជីពរបស់គាត់នៅក្លឹបបាល់ទាត់ ក្នុងប្រទេសអារ៉ាប៊ីសាអូឌីតនោះទេ។
កីឡាករសញ្ជាតិបែលហ្ស៊ិកវ័យ 32 ឆ្នាំរូបនេះ បានលេងឲ្យក្លឹប Man City តាំងពីថ្ងៃទី 30 ខែសីហា ឆ្នាំ 2015 ហើយកុងត្រារបស់គាត់ជាមួយក្លឹបនឹងផុតកំណត់នៅថ្ងៃទី 30 ខែមិថុនា ឆ្នាំ 2025។ ក្នុងរដូវកាល 2023/2024 ដែលទើបនឹងបញ្ចប់ទៅកាលពីពេលថ្មីៗនេះ De Bruyne បានឈ្នះពាន Premier League ជាមួយនឹងការរួមចំណែកស៊ុតបញ្ចូលទីបាន 4 គ្រាប់ និង Assists បាន 10 ដង។
យ៉ាងណាមិញ Kevin De Bruyne បាននិយាយកាលពីពេលថ្មីៗនេះថា៖ “នៅអាយុរបស់ខ្ញុំ អ្នកត្រូវតែបើកចំហចំពោះអ្វីៗគ្រប់យ៉ាងដែលអាចកើតឡើង។ ប្រសិនបើខ្ញុំលេងនៅទីនោះ (អារ៉ាប់) រយៈពេល 2 ឆ្នាំ ខ្ញុំនឹងអាចរកប្រាក់បានច្រើនបំផុត។ ពីមុនមក ខ្ញុំគិតថា នឹងចំណាយពេលលេងបាល់ទាត់យ៉ាងហោចណាស់ 15 ឆ្នាំ។ ខ្ញុំប្រហែលជាមិនទាន់ឈានដល់ចំនួននោះ នៅឡើយទេ”។
ប្រភព: Telecomasia
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
