បាល់ទាត់អន្តរជាតិ
Liverpool ត្រៀមចាយលុយ 70 លានផោន លើខ្សែប្រយុទ្ធមួយរូប ដើម្បីមកជំនួស Mohamed Salah
![](https://x-sportkh.com/wp-content/uploads/2024/06/article-003872-1.jpg)
ក្លឹបហង្សក្រហម Liverpool ត្រូវបានគេរាយការណ៍ថា កំពុងព្យាយាមជាថ្មីម្ដងទៀត លើការតាមប្រមាញ់ខ្សែប្រយុទ្ធរបស់ក្លឹបសេះបង្កង់ Juventus គឺកីឡាករ Federico Chiesa ដែលអាចក្លាយជាបេក្ខភាពសំខាន់ក្នុងការមកជំនួសតំណែងរបស់ Mohamed Salah នៅរដូវកាលក្រោយ។
យ៉ាងណាមិញ Mohamed Salah ត្រូវបានផ្សារភ្ជាប់ជាមួយនឹងការចាកចេញទៅកាន់ទៅ Saudi Pro League តាំងពីរដូវក្តៅឆ្នាំមុនមកម្ល៉េះ ហើយមានការរំពឹងទុកថា ខ្សែប្រយុទ្ធសញ្ជាតិអេហ្ស៊ីបរូបនេះ នឹងត្រូវបានទាក់ទាញដោយក្លឹបនៅអារ៉ាប៊ីសាអូឌីត ជាថ្មីម្ដងទៀតនាពេលឆាប់ៗខាងមុខ។
ទន្ទឹមនឹងនេះដែរ Mohamed Salah នៅសល់កុងត្រាត្រឹមតែរយៈពេល 1 ឆ្នាំទៀតប៉ុណ្ណោះជាមួយ Liverpool ដូច្នេះការចាកចេញរបស់កីឡាករវ័យ 31 ឆ្នាំរូបនេះ ពិតជាអាចកើតឡើងដោយជៀសមិនផុត។ ឥឡូវនេះ Liverpool ហាក់ដូចជាកំពុងរៀបចំផែនការជាស្រេចដើម្បីត្រៀមនៅពេលពេលពួកគេបាត់បង់ Mohamed Salah នារដូវក្តៅនេះ។ ពួកគេបានសម្លឹងមើលឃើញសមត្ថភាព និងចង់ចុះហត្ថលេខាលើ Federico Chiesa។
ផ្សេងពីនេះដែរក្លឹប Juventus ត្រូវបានគេដឹងថា នឹងធ្វើការផ្លាស់ប្ដូរគ្រូបង្វឹកថ្មីដោយតែងតាំងលោក Thiago Motta ហើយបើយោងតាម Sky Sports បានឲ្យដឹងថា ខ្សែប្រយុទ្ធ Federico Chiesa មិនស្ថិតក្នុងគម្រោងក៏ដូចជាផែនការរបស់គ្រូបង្វឹកថ្មីនេះនោះទេ។
របាយការណ៍ដដែលនេះដែរបានបន្ថែមទៀតថា ការពិភាក្សាលើកុងត្រារវាង Federico Chiesa និងក្លឹប Juventus បានឈានដល់ការជាប់គាំង។ ពេលនេះ Juventus បានដាក់តម្លៃដែលអាចលក់ Federico Chiesa ហើយ គឺ 70 លានផោន។
ប្រភព: Sportsmole
-
បាល់ទាត់អន្តរជាតិ2 days ago
Man City ចង់ចុះហត្ថលេខានាំយកខ្សែប្រយុទ្ធស្លាប Jadon Sancho ត្រឡប់ទៅវិញ
-
បាល់ទាត់អន្តរជាតិ5 days ago
Kylian Mbappe ស៊ុតគ្រាប់បាល់លើកដំបូង នៅក្នុងព្រឹត្តិការណ៍ Euro
-
បាល់ទាត់អន្តរជាតិ5 days ago
Napoli ឈានដល់កិច្ចព្រមព្រៀងខ្ចីជើងខ្សែការពារមួយរូបរបស់ក្លឹប Real Madrid