Thiago Almada អាច​នឹង​ចាកចេញ​ទៅ​លេង​នៅ​លីគ​កំពូល​នៃ​ប្រទេស​ប្រេស៊ីល

ក្លឹប​បាល់ទាត់​នៅ​សហរដ្ឋ​អាមេរិក Atlanta United បាន​ត្រៀម​ខ្លួន​រួច​ជា​ស្រេច ដើម្បី​ទទួល​យក​ប្រាក់​ដ៏​ច្រើន សម្រាប់​ការ​លក់​កីឡាករ​ដ៏​មាន​ទេពកោសល្យ​ម្នាក់​របស់​ពួកគេ។ យោងតាម​របាយការណ៍​ពី ​​The Athletic បាន​ឲ្យ​ដឹង​ថា ក្លឹប Atlanta United កំពុង​ត្រៀមលក់​ខ្សែ​បម្រើ Thiago Almada ទៅ​ឲ្យ​ក្លឹប Botafogo របស់​ប្រេស៊ីល​ក្នុង​តម្លៃ 21 លានដុល្លារ។

ទោះ​ជា​យ៉ាង​ណា​ក៏​ដោយ ផ្អែក​តាម​កុងត្រា និង​ប្រាក់រង្វាន់​ផ្សេងៗ​បន្ថែម​នា​ពេល​ក្រោយ​ទៀត ការ​ផ្ទេរ Thiago Almada អាច​នឹង​មាន​តម្លៃ​កើត​ឡើង​ដល់ 30 លានដុល្លារ​ឯណោះ។ កីឡាករ​អាហ្សង់ទីន​វ័យ 23 ឆ្នាំ​រូប​នេះ គឺ​ជា​អតីត​កីឡាករ​ដែល Atlanta United ទិញ​មក​ពី​ក្លឹប Veles ក្នុង​ខែ​កុម្ភៈ ឆ្នាំ 2022 ជាមួយ​នឹង​តម្លៃ​ខ្លួន 16 លានដុល្លារ។

ខ្សែបម្រើ​ប្រយុទ្ធ Thiago Almada បាន​ក្លាយ​ជា​កីឡាករ​ដ៏​សំខាន់​របស់​ក្លឹប Atlanta United ចាប់​តាំង​ពី​ពេល​នោះ​មក ហើយ​គាត់​ក៏​បាន​ក្លាយ​ជា​កីឡាករ​ដំបូង​គេ​ក្នុង​ប្រវត្តិសាស្ត្រ​របស់​លីគ​អាមេរិក MLS ដែល​ឈ្នះ​ពាន World Cup ផង​ដែរ ពេល​ដែល​គាត់​បាន​រួម​ដំណើរ​ជាមួយ​ក្រុម​ជម្រើស​ជាតិ​អាហ្សង់ទីន​ក្នុង​ព្រឹត្តិការណ៍​នោះ​នា​ឆ្នាំ 2022។

ប្រភព: Dailysports