បាល់ទាត់អន្តរជាតិ
Raphinha បដិសេធការផ្ទេរទៅ Liverpool ហើយជ្រើសរើសយក Barcelona
ពត៌មានចុងក្រោយមួយពី sport.es បានឲ្យដឹងថា ខ្សែប្រយុទ្ធស្លាប Raphinha របស់ក្លឹប Leeds United នឹងបដិសេធការចាប់អារម្មណ៍របស់ Liverpool ហើយសម្រេចចិត្តក្នុងការផ្ទេរទៅកាន់ទឹកដីនៃប្រទេសអេស្ប៉ាញជាមួយក្លឹបអ្នកមានបុណ្យ Barcelona។
កាលពីប៉ុន្មានថ្ងៃមុននេះ មានពាក្យចចាមអារ៉ាមជាច្រើនលើកឡើងថា លោក Jurgen Klopp ដែលជាគ្រូបង្វឹករបស់ក្លឹបហង្សក្រហម បានណែនាំឲ្យក្លឹប Liverpool នាំយក Raphinha សម្រាប់ជំនួសកន្លែងរបស់ Sadio Mane ដែលត្រៀមនឹងចាកចេញនៅរដូវក្ដៅនេះ។
ទោះជាយ៉ាងណា កីឡាករសញ្ជាតិប្រេស៊ីលរូបនេះ ពេញចិត្តនឹងការចូលរួមជាមួយ Barcelona ជាជាងការជ្រើសរើសយកក្លឹបហង្សក្រហម Liverpool។
ក្លឹបអ្នកមានបុណ្យ Barcelona នៅតែជាក្លឹបដែលត្រូវបានកីឡាករជាច្រើនមានបំណងប្រាថ្នាចង់រួមរស់ជាមួយ បើទោះបីជាពេលនេះ ក្លឹបហាក់ដូចជាខ្វះខាតទាំងកីឡាករ និងខ្សត់ខ្សោយលើផ្នែកហិរញ្ញវត្ថុក៏ដោយ។
Raphinha មិនមែនមានតែក្លឹប Barcelona និង Liverpool ចាប់អារម្មណ៍នោះទេ នៅមានក្លឹបជាច្រើនទៀតចង់បាន បន្ទាប់ពីគាត់បានបញ្ចប់យុទ្ធនាការនៅក្របខណ្ឌ Premier League រដូវកាលនេះ ជាមួយនឹងគ្រាប់បាល់ស៊ុតបញ្ចូលទី 11 គ្រាប់ បញ្ជូនបាល់ឲ្យមិត្តរួមក្រុមបាន 3 ដង ក្នុងការបង្ហាញខ្លួន 35 ប្រកួត។
ប្រភព: Goal
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
