បាល់ទាត់អន្តរជាតិ
បិសាចក្រហមបដិសេធសំណើររបស់តោខៀវ Chelsea ដែលចង់បាន Harry Maguire
របាយការណ៍ចុងក្រោយមួយបានឲ្យដឹងថា ក្លឹបបិសាចក្រហម Manchester United បានបដិសេធសំណើរពីក្លឹបតោខៀវ Chelsea ដែលចាប់អារម្មណ៍លើការចុះហត្ថលេខាប្រធានក្រុម Harry Maguire (នេះបើយោងតាមការចុះផ្សាយរបស់ Thesun UK)។
ប៉ុន្មានសប្ដាហ៍ចុងក្រោយនេះ មានព័ត៌មានជាច្រើនបានចុះផ្សាយពីការដែលក្លឹបតោខៀវចង់បាន Harry Maguire ដែលវាត្រូវបានគេចាត់ទុកថា ជារឿងដ៏គួរឲ្យភ្ញាក់ផ្អើលមួយ។ ដូចគ្នានេះដែរ កាសែត The Guardian បានអះអាងថា ក្រុមរបស់លោក Thomas Tuchel ចង់ដំណើរការផ្ទេរ Harry Maguire នៅរដូវក្តៅនេះពិតមែន។
Maguire ត្រូវបានផ្សារភ្ជាប់ជាមួយនឹងការចាកចេញពី Old Trafford បន្ទាប់ពីចំណាយពេលពីររដូវកាលជាមួយនឹងការរិះគន់ជាខ្លាំងពីអ្នកគាំទ្រ។
យ៉ាងណាមិញ Harry Maguire មិនមែនជាគោលដៅទីមួយនៃការចង់បានរបស់ក្លឹបតោខៀវ Chelsea នោះទេ ដោយបច្ចុប្បន្នពួកគេកំពុងព្យាយាមចរចាផ្ទេរ Wesley Fofana របស់ក្លឹប Leicester City។ ហើយប្រសិនបើក្នុងករណីមិនអាចយក Fofana បាន នោះគេនឹងគិតគូពីការផ្ទេរ Maguire វិញម្ដង។
ទោះជាយ៉ាងណាក៏ដោយ Erik ten Hag បានបញ្ជាក់រួចហើយថា Harry Maguire នឹងកាន់កាប់តំណែងជាប្រធានក្រុមរបស់ក្លឹបបិសាចក្រហមបន្តទៀតនៅរដូវកាលនេះ។ លើសពីនេះទៅទៀត ពួកគេក៏បានឲ្យដឹងផងដែរថា នឹងមិនមានបំណងលក់ រឺដាក់គាត់ឲ្យខ្ចីជើងគាត់ទៅក្លឹបផ្សេងនៅរដូវក្តៅនេះឡើយ។
ប្រភព: Thensun
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ1 day ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan