បាល់ទាត់អន្តរជាតិ
Atletico Madrid អាចនឹងលក់ Joao Felix នៅខែមករាខាងមុខនេះ
ខ្សែប្រយុទ្ធស្លាប Joao Felix ត្រូវបានគេរាយការណ៍ថា បានត្រៀមខ្លួនរួចជាស្រេចដើម្បីចាកចេញពី Atletico Madrid ក្នុងអំឡុងទីផ្សារដោះដូរកីឡាករនៅខែមករាខាងមុខនេះ។
Joao Felix ផ្លាស់ទៅកាន់ទឹកដី Wanda Metropolitano ក្នុងឆ្នាំ 2019 ជាមួយនឹងកិច្ចព្រមព្រៀងដែលមានតម្លៃផ្ទេរ 113 លានផោន ដែលនោះជាតម្លៃថ្លៃបំផុតទី 4 ក្នុងប្រវត្តិសាស្ត្រទិញលក់កីឡាករ។ ជាមួយគ្នានេះដែរ Atletico Madrid មានការរំពឹងទុកខ្ពស់ថា កីឡាករវ័យ 23 ឆ្នាំរូបនេះនឹងជួយដល់ការអភិវឌ្ឍទម្រង់លេងរបស់ក្លឹប។
ទោះបីជាបានជួយ Atletico Madrid ឲ្យឈ្នះពាន La Liga អំឡុងឆ្នាំ 2020-2021 ក៏ដោយ ក៏កីឡាករសញ្ជាតិព័រទុយហ្គាល់រូបនេះមិនឈានដល់កម្រិតនៃការចង់បានរបស់ក្លឹបឡើយ។ គិតមកទល់នឹងពេលនេះ Joao Felix រកបានត្រឹមតែ 29 គ្រាប់ និង 18 Assists ប៉ុណ្ណោះក្នុងការបង្ហាញខ្លួនសរុប 123 ប្រកួត។
យោងតាម A Bola បានរាយការណ៍ថា ទំនាក់ទំនងរវាងកីឡាករ Joao Felix ជាមួយនឹងលោក Diego Simeone ដែលជាគ្រូបង្វឹក កំពុងស្ថិតក្នុងភាពល្អក់កករ ហើយកីឡាកររូបនេះចង់ចាកចេញនៅខែមករាខាងមុខ។ យ៉ាងណា Felix នៅមានកុងត្រាជាង 3 ឆ្នាំទៀតជាមួយក្លឹបបច្ចុប្បន្នរបស់ខ្លួន។
ពាក់ព័ន្ធនឹងរឿងនេះដែរក្លឹប Atletico Madrid ក៏មិនចង់រក្សាទុក Joao Felix បន្តទៀតដែរ។ Atletico Madrid មិនរំពឹងថា ពួកគេអាចលក់កីឡាកររូបនេះចេញបានក្នុងតម្លៃខ្ពស់ដូចកាលដែលពួកគេចុះហត្ថលេខាលើគាត់កាលពីឆ្នាំ 2019 ឡើយ។ ដូច្នេះប្រសិនបើមានក្លឹបណាមួយដេញថ្លៃក្នុងតម្លៃដែលពួកគេអាចទទួលយកបាន នោះពួកគេនឹងអនុញ្ញាតឲ្យ Felix ចាកចេញ។
ប្រភព: Sportsmole
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
