បាល់ទាត់អន្តរជាតិ
Dani Ceballos បដិសេធមិនចង់ចាកចេញទៅទឹកដី Premier League
ខ្សែបម្រើ Dani Ceballos ត្រូវបានគេរាយការណ៍ថា បានច្រានចោលសំណើរនៃការចង់បានពីក្លឹបមួយចំនួននៅ Premier League ខណៈដែលកីឡាករសញ្ជាតិអេស្ប៉ាញរូបនេះ បានព្យាយាមដើម្បីបន្តអាជីពនៅទឹកដីអេស្ប៉ាញ និងចង់បន្តកិច្ចព្រមព្រៀងកុងត្រាថ្មីនៅ Real Madrid។
កីឡាករវ័យ 26 ឆ្នាំរូបនេះកំពុងស្ថិតក្នុងរយៈពេល 6 ខែចុងក្រោយនៃកុងត្រារបស់ខ្លួននៅ Santiago Bernabeu ហើយត្រូវបានគេយល់ថា ក្លឹបម្ចាស់ជើងឯកអេស្ប៉ាញ Real Madrid មិនទាន់បានសម្រេចចិត្តថា តើនឹងត្រូវបន្តកុងត្រាថ្មីជាមួយគាត់ រឺអត់នោះឡើយ។
យ៉ាងណាមិញ Dani Ceballos បានបង្ហាញខ្លួនចំនួន 18 ប្រកួតសម្រាប់ក្លឹបអធិរាជស Real Madrid ក្នុងរដូវកាលនេះ ដោយស៊ុតបញ្ចូលទីបាន 1 គ្រាប់ និងបញ្ជូនបាល់ឲ្យមិត្តរួមក្រុម (Assists) បានចំនួន 4 ដង តែគាត់មិនមែនជាកីឡាករដែលលេចធ្លោរប៉ុន្មានឡើយនៅក្នុងក្រុម។
យោងតាមរបាយការណ៍ពី Marca បានឲ្យដឹងថា ខ្សែបម្រើរូបនេះបានច្រានចោលការចាប់អារម្មណ៍ពីក្លឹបដែលនៅក្នុងក្របខណ្ឌ Premier League ដោយគាត់មានទំនុកចិត្តថា នឹងអាចបញ្ចុះបញ្ចូល Real Madrid ផ្ដល់នូវកុងត្រាថ្មី ដើម្បីឲ្យគាត់នៅទឹកដីអេស្ប៉ាញបន្តទៀត។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
