បាល់ទាត់អន្តរជាតិ
Luka Modric និយាយថា De Jong គឺជាកីឡាករល្អបំផុតរបស់ហូឡង់
ខ្សែបម្រើ Luka Modric របស់ក្លឹបអធិរាជស Real Madrid បានចាត់ទុកតារាឆ្នើមរបស់ក្លឹប Barcelona គឺកីឡាករ Frenkie de Jong ថាជាកីឡាករល្អបំផុតរបស់ក្រុមជម្រើសជាតិហូឡង់។ យ៉ាងណាមិញ Modric បាននិយាយបែបនេះ ទៅកាន់ប្រព័ន្ធផ្សព្វផ្សាយមួយមុនពេលនៃការប្រកួតវគ្គពាក់កណ្តាលផ្តាច់ព្រ័ត្រ UEFA Nations League របស់ក្រូអាតទល់នឹងហូឡង់ នៅរំលងអាធ្រាតយប់មិញនេះ។
ខ្សែបម្រើ Luka Modric បាននិយាយទៅកាន់ Mundo Deportivo ថា៖ “សម្រាប់ខ្ញុំ De Jong គឺពិតជាកីឡាករហូឡង់ដ៏ល្អបំផុត។… គាត់នៅក្មេង គាត់មានទេពកោសល្យ ហើយគាត់ជាក្មេងល្អម្នាក់។ គាត់ គឺជាកីឡាករកំពូលម្នាក់ ក្នុងចំណោមកីឡាករដែលខ្ញុំចូលចិត្តមើល។ គាត់មានអ្វីម្យ៉ាងដែលពិសេស”។
យ៉ាងណាមិញ ការប្រកួត UEFA Nations League កាលពីរំលងអាធ្រាតយប់មិញនេះ ក្រុមជម្រើសជាតិក្រូអាតរបស់ Luka Modric បានទម្លាក់ហូឡង់ នៅក្នុងលទ្ធផល 4-2 ជាមួយនឹងការលេងរហូតដល់ម៉ោងបន្ថែម 20 នាទី។ ក្រូអាតកំពុងឈរក្នុងតំណែងជាក្រុមរងចាំការប្រកួតវគ្គផ្ដាច់ព្រ័ត ដោយចាំមើលបេក្ខភាពមួយក្រុមទៀតដែលនឹងធ្វើការប្រកួតរំលងអាធ្រាតនេះរវាង អ៊ីតាលី និងអេស្ប៉ាញ។
ប្រភព: Dailypost NG
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
Jurgen Klopp អាចនឹងត្រឡប់ទៅអតីតក្លឹបចាស់មួយនេះវិញ!!!
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
