បាល់ទាត់អន្តរជាតិ
Pep Guardiola ថា នឹងមិនមានបញ្ហាអ្វីនោះទេ ប្រសិនបើខ្សែការពាររូបនេះសម្រេចចិត្តផ្ទេរទៅបិសាចក្រហម Manchester United
គ្រូបង្វឹករបស់ក្លឹបមេឃខៀវ Manchester City លោក Pep Guardiola បាននិយាយថា ក្លឹបនឹងមិនខ្វល់នោះឡើយ បើទោះបីជាខ្សែការពារ Joao Cancelo ផ្ទេរទៅចូលរួមជាមួយបិសាចក្រហម Manchester United ក៏ដោយ។ គ្រូបង្វឹកសញ្ជាតិអេស្ប៉ាញរូបនេះ បានសង្កត់ធ្ងន់ថា ក្លឹបមិនព្រួយបារម្ភអំពីគោលដៅបន្ទាប់របស់ Joao Cancelo ទេ ទោះបីជាផ្ទេរទៅក្លឹបជាគូប្រជែងខ្លាំងរបស់ពួកគេក្ដី ដរាបណាគាត់ចាកចេញពី Man City គាត់នឹងមានសេរីភាពអាចធ្វើអ្វីបានតាមចិត្តចង់។
យ៉ាងណាមិញ កាលពីពាក់កណ្ដាលរដូវកាលមុន ខ្សែការពារសញ្ជាតិព័រទុយហ្គាល់ Joao Cancelo បានចូលរួមជាមួយក្លឹបយក្សអាឡឺម៉ង់ Bayern Munich ក្នុងលក្ខខណ្ឌខ្ចីជើង ជាមួយនឹងជម្រើសក្នុងការទិញផ្ដាច់កុងត្រាតម្លៃ 70 លានអឺរ៉ូ។ ទោះជាយ៉ាងណាក៏ដោយ ក្លឹបម្ចាស់ជើងឯក Bundesliga មិនបានទទួលយកជម្រើសនោះទេ ហើយបានឲ្យគាត់ត្រឡប់មកក្លឹបចាស់ Man City វិញនៅរដូវក្តៅនេះ។
ថ្លែងទៅកាន់ប្រព័ន្ធផ្សព្វផ្សាយអេស្ប៉ាញមួយកាលពីពេលថ្មីៗនេះ លោក Pep Guardiola បាននិយាយថា៖ “យើងមិនខ្វល់ថា គាត់នឹងទៅទីណាទេ ទោះបីជាគាត់ចង់ទៅ Manchester United ដែលជាក្លឹបគូប្រជែងរបស់យើងក៏ដោយ។… វាជាជម្រើសរបស់គាត់ និងក្លឹបដែលស្រឡាញ់សមត្ថភាពគាត់។ ខ្ញុំមិនដឹងថាហេតុអ្វីបានជាគាត់មិនបានចុះហត្ថលេខាជាមួយ Barcelona ទេ។ យើងមិនបានទទួលការដាក់សំណើរណាមួយពី Barcelona នោះឡើយ”។
ប្រភព: Dailypost NG
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
