បាល់ទាត់អន្តរជាតិ
RB Leipzig កំពុងពិភាក្សាសម្រេចចុងក្រោយលើការប្រគល់ Josko Gvardiol ទៅឲ្យ Man City ជាមួយនឹងតម្លៃខ្លួន 100 លានអឺរ៉ូ
នាយកផ្នែកកីឡារបស់ក្លឹប RB Leipzig លោក Max Eberl បានបញ្ជាក់ថា ខ្សែការពារ Josko Gvardiol ពិតជាចង់ចូលរួមជាមួយ Manchester City ហើយក្លឹបទាំងពីរកំពុងពិភាក្សាគ្នាលើកិច្ចព្រមព្រៀងដែលឲ្យខ្សែការពារកណ្ដាលរូបនេះចាកចេញក្នុងរង្វង់ទឹកប្រាក់ 100 លានអឺរ៉ូ (86 លានផោន)។
កីឡាករវ័យ 21 ឆ្នាំដែលត្រូវបានគេចាត់ទុកថាជាខ្សែការពារដែលនឹងមានអនាគតត្រចះត្រចង់បំផុតម្នាក់នៅក្នុងពិភពបាល់ទាត់ ត្រូវបានគេដឹងថា បានទាក់ទាញចំណាប់អារម្មណ៍លើលោក Pep Guardiola ជាខ្លាំង។ កន្លងមកមិនមែនមានតែ Man City មួយទេដែលចង់បាន Josko Gvardiol ដោយមានក្លឹបធំៗជាច្រើនទៀតក៏បានចាប់អារម្មណ៍លើកីឡាករវ័យក្មេងដែលកំពុងឡើងជើងរូបនេះដែរ ជាពិសេសនៅពេលដែលគាត់បង្ហាញសមត្ថភាពនៅក្នុងការប្រកួត World Cup សម្រាប់ក្រុមជម្រើសជាតិក្រូអាត។
ទោះជាយ៉ាងណាក៏ដោយ Man City ហាក់ដូចជាក្លឹបដែលមានអាទិភាពក្នុងការផ្ទេរ Josko Gvardiol ជាងក្លឹបផ្សេងៗទៀត ស្របតាមលក្ខខណ្ឌដ៏ល្អរបស់ពួកគេ បូករួមទាំងការហ៊ានចាយលុយលើការនាំយកកីឡាករចំណូលថ្មី។ Gvardiol ត្រូវបានគេគិតថា បានយល់ព្រមលើលក្ខខណ្ឌផ្ទាល់ខ្លួនជាមួយនឹង Man City ហើយ ប៉ុន្តែប្រធានក្លឹប RB Leipzig បានបញ្ជាក់ថា ការពិភាក្សាររវាងក្លឹបទាំងពីរត្រូវរងចាំដល់ដំណាក់កាលចុងក្រោយ ដោយពួកគេចង់បានតម្លៃផ្ទេរតារាឆ្នើមរូបនេះ ជាខ្សែការពារថ្លៃបំផុតម្នាក់ក្នុងពិភពលោក។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
