បាល់ទាត់អន្តរជាតិ
Kyle Walker ប្រាប់គ្រូបង្វឹករបស់ខ្លួនថា គាត់ចង់ចាកចេញទៅទឹកដីអាឡឺម៉ង់
ខ្សែការពារ Kyle Walker របស់ក្លឹបមេឃខៀវ Manchester City ត្រូវបានគេរាយការណ៍ថា បានប្រាប់ទៅដល់លោក Pep Guardiola ដែលជាគ្រូបង្វឹករបស់ខ្លួនអំពីបំណងរបស់គាត់ ក្នុងការចូលរួមជាមួយក្លឹបយក្សរបស់អាឡឺម៉ង់ Bayern Munich។ ទន្ទឹមនឹងនេះដែរ Bayern Munich ចង់ពង្រឹងនៅតំបន់ការពារស្តាំរបស់ពួកគេនៅមុនរដូវកាលថ្មីចាប់ផ្ដើម ស្របពេលអនាគតរបស់ Benjamin Pavard កំពុងស្ថិតក្នុងភាពមិនច្បាស់លាស់។
លើសពីនេះទៅទៀត គ្រូបង្វឹករបស់ក្លឹប Bayern Munich លោក Thomas Tuchel បានកំណត់អត្តសញ្ញាណ Kyle Walker ជាគោលដៅផ្ទេរដ៏សំខាន់មួយរបស់គាត់ ហើយគាត់បានព្យាយាមបញ្ចុះបញ្ចូលខ្សែការពារស្តាំរូបនេះកាលពីមួយរយៈមុន ដើម្បីឲ្យគេចាកចេញទៅភ្លក្សរសជាតិថ្មីនៅ Bundesliga។
របាយការណ៍ចុងក្រោយមួយបានអះអាងថា Kyle Walker បានឈានដល់កិច្ចព្រមព្រៀងផ្ទាល់មាត់ជាមួយ Bayern Munich រួចហើយ។ ជាមួយនឹងកុងត្រាដែលនៅសល់រយៈពេល 12 ខែទៀតជាមួយ Man City បូកផ្សំនឹងការស្នើចាកចេញរបស់ Kyle Walker ផងនោះ ក្លឹបយក្សនៅអង់គ្លេសមួយនេះនឹងអនុញ្ញាតឲ្យគាត់ចាកចេញនៅមុនរដូវកាល 2023-2024 ជាជាងការទុកឲ្យកីឡាករសញ្ជាតិអង់គ្លេសរូបនេះផុតកុងត្រា ហើយចេញទៅដោយគ្មានតម្លៃខ្លួន។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
