បាល់ទាត់អន្តរជាតិ
មកដឹងពីប្រវត្តិរបស់ IShowSpeed ដែលជាអ្នកគាំទ្រដ៏ងប់ងល់របស់ Cristiano Ronaldo
Darren Watkins Jr. គឺជាឈ្មោះពិតរបស់ YouTuber ដ៏ល្បី IShowSpeed។ គាត់បានចាប់ផ្តើមបង្ហោះវីដេអូហ្គេម និងការកម្សាន្តផ្សេងៗជាច្រើននៃជីវិតផ្ទាល់ខ្លួនរបស់គាត់ក្នុងអំឡុងពេលនៃជម្ងឺរាតត្បាត COVID-19 ហើយឆាណែលរបស់គាត់ ទទួលបានអ្នកមើលរាប់លាន និងអ្នកតាមដានដ៏ច្រើនលើសពីការរំពឹងទុក។
IShowSpeed គឺជាក្មេងប្រុសវ័យជំទង់ជនជាតិអាមេរិក មកពីរដ្ឋ Ohio កើតនៅថ្ងៃទី 21 ខែមករា ឆ្នាំ 2005។ គាត់បានចំណាយពេលតាំងពីតូចដល់ពេញវ័យ នៅក្នុងស្រុកកំណើតរបស់គាត់ និងមានប្អូនប្រុសតូចៗពីរនាក់។ គាត់មានចំណង់ចំណូលចិត្តលេងហ្គេមតាំងពីក្មេង ហើយវីដេអូដំបូងបង្អស់របស់គាត់ បានផុសនៅលើ Youtube ក្នុងឆ្នាំ 2018 អំឡុងពេលដែលគាត់នៅរៀន ហើយវីដេអូនោះគឺជាការលេងហ្គេម NBA 2K18។
គាត់បានចាប់ផ្តើមអាជីពជា YouTuber ដោយមានអ្នកមើលតិចតួច រហូតមកដល់ពេលនេះ IShowSpeed បានក្លាយជាបុគ្គលដ៏ល្បីមួយរូបនេះ និងមានអ្នកតាមដានឆាណែលគាត់រហូតដល់ 18.7 លាននាក់។ ក្រៅពីការលេងហ្គេម និងធ្វើវីដេអូប្លែកៗគួរឲ្យចាប់អារម្មណ៍នោះ IShowSpeed ក៏ចូលចិត្តលេងបាល់ទាត់ដែរ។
ក្រោយមកដោយសារតែការទៅសាលា មានការចំណាយពេលច្រើន គាត់បានសម្រេចចិត្តឈប់រៀន និងផ្ដោតទាំងស្រុងលើការធ្វើវីដេអូនៅលើ YouTube របស់គាត់។ ត្រឡប់ទៅឆ្នាំ 2016 នៅពេលដែល IShowSpeed បង្កើត YouTube ឆាណែលរបស់គាត់ គាត់មិនបានបង្ហោះវីដេអូណាមួយឡើយ ហើយគាត់ក៏មិនបានពិចារណាថានឹងចាប់អាជីពមួយនេះទេ។ នៅឆ្នាំ 2018 ទើបគាត់បានបង្ហោះឃ្លីប NBA 2K18 ដែលជាឃ្លីបដំបូងបំផុត តែគាត់មានការខកចិត្ត ព្រោះវីដេអូធ្វើមិនសូវបានល្អ និងគ្មានអ្នកមើល។
IShowSpeed មានឱកាស និងពេលទំនេរច្រើនក្នុងអំឡុងពេលនៃជម្ងឺរាតត្បាត COVID-19 ហើយក៏បានចាប់ផ្ដើមជាថ្មីម្ដងទៀតនៅលើ YouTube របស់ខ្លួន។ នៅខែមេសា ឆ្នាំ 2020 គាត់បានបង្ហោះវីដេអូដែលទាក់ទងនឹង NBA 2K20 និង 2k21 ដោយទទួលបានអ្នកទស្សនាដ៏ច្រើន។ កម្លាំងចិត្ត ក៏ចាប់ផ្ដើមកើតឡើងនៅពេលនោះ ហើយ IShowSpeed ក៏ចាប់ផ្ដើមផុស និង Live ហ្គេមផ្សេងៗទៀតជាបន្តបន្ទាប់ដោយមានទាំងហ្គេម Fortnite, Five Nights at Freddy’s ផងដែរ។ នៅពាក់កណ្តាលឆ្នាំ 2020 គាត់ទទួលបានអ្នកតាមដាននៅលើ YouTube ចំនួន 100K។
ប្រភពចំណូលដ៏សំខាន់សម្រាប់ IShowSpeed នាពេលបច្ចុប្បន្នគឺតាមរយៈពាណិជ្ជកម្មនៃ YouTube របស់គាត់ និងតាមរយៈ Twitch។ ចំណូលផ្សេងទៀត IShowSpeed ទទួលបានពីការផ្សព្វផ្សាយនៅលើ TikTok, ការលក់ទំនិញ និងតាមរយៈការសហការលើប្រេនល្បីៗមួយចំនួន។ ទ្រព្យសម្បត្តិដែលត្រូវបានគេប៉ាន់ស្មានរបស់ IShowSpeed គិតត្រឹមខែមករា ឆ្នាំ 2023 គឺមានចន្លោះពី 10 ទៅ 12 លានដុល្លារ។
ប្រភព: Sportskeeda
Rodri សារភាពថា ចង់ឲ្យក្លឹប Man City ចុះហត្ថលេខាលើមិត្តរួមជាតិរបស់ខ្លួនរូបនេះ
Man City ពិចារណាលទ្ធភាពនៃការចុះហត្ថលេខាលើ Douglas Luiz នៅដើមឆ្នាំក្រោយ
Ashley Young អាចនឹងមានឱកាសលេងតទល់គ្នាជាមួយកូនប្រុសបង្កើតរបស់ខ្លួននៅក្នុងការប្រកួត FA Cup ជុំទី 3
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ4 days agoMikel Arteta មិនជឿថា Liverpool អាចរក្សាតំណែងកំពូលរបស់ខ្លួនរហូតដល់ចុងបញ្ចប់នៃរដូវកាលនេះនោះទេ
-
បាល់ទាត់អន្តរជាតិ4 days agoJuventus ចង់ដោះដូរកីឡាករ 2 រូប ជាមួយ Joshua Zirkzee របស់បិសាចក្រហម
-
បាល់ទាត់អន្តរជាតិ2 days agoChelsea ចង់ចុះដូរ Nkunku ជាមួយខ្សែប្រយុទ្ធឆ្នើមមួយរូបរបស់ក្លឹប PSG
