បាល់ទាត់អន្តរជាតិ
កំពុងឡើងជើងខ្លាំងផង! Osimhen រងរបួសក្នុងអំឡុងពេលហ្វឹកហាត់
ខ្សែប្រយុទ្ធ Victor Osimhen របស់ Napoli បានដកខ្លួនចេញពីការហ្វឹកហាត់បណ្ដោះអាសន្នកាលពីថ្ងៃអង្គារម្សិលមិញនេះ បន្ទាប់ពីរបួសកជើង។ ក្លឹប S.S.C. Napoli បានប្រកាសថា កីឡាករសញ្ជាតិនីហ្សេរីយ៉ារូបនេះ បានចាកចេញពីការហ្វឹកហាត់មុនកំណត់ ដោយសារការរងរបួសប៉ះទង្គិចគ្នាជាមួយមិត្តរួមក្រុម។
យ៉ាងណាមិញ Victor Osimhen បច្ចុប្បន្នគឺជាកីឡាករដែលកំពុងឡើងជើងខ្លាំង និងជាខ្សែប្រយុទ្ធដ៏សំខាន់បំផុតរបស់ក្លឹបម្ចាស់ជើងឯករបស់អ៊ីតាលីមួយនេះ។ សេចក្តីថ្លែងការណ៍នៅលើគេហទំព័រផ្លូវការរបស់ក្លឹប S.S.C. Napoli បានសរសេរថា៖ “Osimhen បានចាកចេញពីទីលានហ្វឹកហាត់មុនកាលកំណត់ ដោយសារការប៉ះទង្គិចដល់កជើងខាងស្តាំរបស់គាត់”។
យោងតាមរបាយការណ៍មួយផ្សេងទៀតបានប្រាប់ឲ្យដឹងថា កីឡាករវ័យ 24 ឆ្នាំរូបនេះបានរងរបួសបន្ទាប់ពីប៉ះទង្គិចជាមួយកីឡាករចំណូលថ្មី Nathan អំឡុងពេលប្រកួតនៃការហ្វឹកហាត់របស់ក្រុម។ គាត់មានការឈឺចាប់ ពេលដើរចេញពីទីលាន ហើយភ្លាមនោះបានយកដុំទឹកកកមកស្អំកជើងរបស់ខ្លួន។ ខ្សែប្រយុទ្ធរូបនេះមិនត្រូវបានគេរំពឹងថានឹងអវត្តមានក្នុងរយៈពេលយូរឡើយ ខណៈដែលការប្រកួតរដូវកាលថ្មី 2023-2024 របស់ Serie A នឹងចាប់ផ្តើមនៅថ្ងៃទី 19 ខែសីហា ខាងមុខនេះ។
ប្រភព: Dailypost NG
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
Galeno សម្រេចចិត្តចាកចេញទៅលេងនៅទឹកដីអារ៉ាប៊ីសាអូឌីត ក្នុងវ័យ 27 ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
