បាល់ទាត់អន្តរជាតិ
គ្រូថ្មីរបស់ PSG លោក Luis Enrique បានប្រាប់ Neymar និងកីឡាករ 4 នាក់ផ្សេងទៀត ឲ្យស្វែងរកទ្រនំថ្មី
គ្រូបង្វឹកថ្មីរបស់ក្លឹប Paris Saint-Germain លោក Luis Enrique បានប្រាប់ទៅកាន់ Neymar Jr និងកីឡាករ 4 នាក់ផ្សេងទៀតរបស់ក្លឹបថា ពួកគេមិនមែនជាផ្នែកមួយនៃផែនការរបស់គាត់ទេនៅរដូវកាលថ្មីនេះ។ យោងតាមរបាយការណ៍ពី RMC បានឲ្យដឹងថា កីឡាករ 4 នាក់ផ្សេងទៀតនោះមានដូចជា៖ Marco Verratti, Hugo Ekitike, Juan Bernat និង Renato Sanches។
គេបានដឹងថា កីឡាករទាំង 5 នាក់ ដែលរួមមានទាំង Neymar Jr ដែរនោះ បានជួបនិយាយទល់មុខគ្នាជាមួយលោក Luis Enrique និងប្រធានផ្នែកកីឡារបស់ក្លឹប PSG លោក Luis Campos នៅទីលានហ្វឹកហាត់កាលពីថ្ងៃពុធម្សិលមិញ។ ពួកគេទាំងនោះ ត្រូវបានណែនាំឲ្យស្វែងរកក្លឹបថ្មីនៅរដូវក្តៅនេះ។
បច្ចុប្បន្ន Neymar Jr ហាក់ដូចជាលែងជាកីឡាករដ៏មានតម្លៃចំពោះក្លឹបយក្សបារាំងតទៅទៀតហើយ ខណៈដែលក្លឹបម្ចាស់ជើងឯក Ligue 1 មួយនេះ ធ្លាប់បានចំណាយប្រាក់បំបែកកំណត់ត្រាដ៏ច្រើនបំផុតរហូតដល់ 198 លានផោន ដើម្បីផ្ទេរគាត់ពី Barcelona ក្នុងឆ្នាំ 2017។
Neymar ក្លាយកីឡាករចុងក្រោយគេដែលអាចនឹងចាកចេញពី Parc des Princes ស្របពេលដែលអនាគតរបស់ Kylian Mbappe ក៏មិនទាន់មានដំណោះស្រាយដែរ។ Mbappe ត្រូវបានក្លឹបពិន័យមិនឲ្យចូលហ្វឹកហាត់ជាក្រុមឈុតធំ ហើយត្រូវបានគេដឹងថា ខ្សែប្រយុទ្ធសញ្ជាតិបារាំងរូបនេះនឹងមិនមានឈ្មោះសម្រាប់ការប្រកួតបើកឆាកលីគទល់នឹងក្លឹប Lorient នៅចុងសប្តាហ៍នេះទេ។
ប្រភព: Dailypost NG
Messi ឈានដល់កំណត់ត្រា ស៊ុតបញ្ចូលទី និង Assists ចំនួន 1200 ដង ក្នុងអាជីពរបស់ខ្លួន
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
Man United ត្រៀមដាក់សំណើរច្រើនជាង 80 លានអឺរ៉ូ ដើម្បីចុះហត្ថលេខាលើ Ronald Araujo
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
ក្លឹបយក្សមួយ ចង់ចុះហត្ថលេខានាំយក Cristiano Ronaldo ត្រឡប់ទៅ Premier League វិញ
-
បាល់ទាត់អន្តរជាតិ2 days agoNapoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days agoបញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days agoPep Guardiola កំពុងពិចារណាលើអនាគតរបស់ Joao Cancelo