បាល់ទាត់អន្តរជាតិ
Raphinha សន្យាកែកំហុស ក្រោយរងការរិះគន់ពីអ្នកគាំទ្រ!!!
ការប្រកួតបើកឆាករបស់ Barcelona នៅក្នុងក្របខណ្ឌ La Liga គឺចាប់ផ្ដើមជាមួយនឹងក្ដីសង្ឃឹមនៃការរំពឹងថា នឹងដណ្ដើមបាន 3 ពិន្ទុពី Getafe។ ទោះជាយ៉ាងណាក៏ដោយ មិនត្រឹមតែពួកគេមិនអាចដណ្ដើមបាន 3 ពិន្ទុពីការប្រកួតលីគប៉ុណ្ណោះទេ Barcelona បានស៊ូទ្រាំលេងតទល់នឹងគូប្រកួតរបស់ខ្លួនដោយមានគ្នាត្រឹមតែ 10 នាក់ប៉ុណ្ណោះនៅលើទីលាន។
នៅនាទីទី 42 ខ្សែប្រយុទ្ធស្លាប Raphinha ត្រូវបានទទួលកាតក្រហមភ្លាមៗបន្ទាប់ពីអាជ្ញាកណ្ដាលបានមើលឃើញពីកាយវិកាឲ្យកែង ដោយចេតនារបស់គាត់ទៅលើខ្សែការពាររបស់ Getafe គឺកីឡាករ Gaston Alvarez។ បន្តពីនោះមក Barcelona ត្រូវលេងដោយមានកីឡាករត្រឹម 10 នាក់ប៉ុណ្ណោះ រហូតដល់នាទីទី 70 កាតក្រហមរបស់អាជ្ញាកណ្ដាលក៏កើតឡើងម្ដងទៀត ដែលវាជាការផ្ដល់ជូនទៅគ្រូបង្វឹករបស់ពួកគេគឺលោក Xavi Hernandez។
ជាសំណាងល្អ Barcelona មិនបានចាញ់ការប្រកួតនោះឡើយ ហើយរក្សាបានលទ្ធផលស្មើ 0-0 រហូតនាទីចុងក្រោយ។ យ៉ាងណាមិញ Raphinha ក៏បានសុំទោសចំពោះការបង្ករឲ្យមានកាតក្រហមរបស់ខ្លួន ដែលធ្វើឲ្យក្រុមត្រូវបាត់បង់សមាជិក និងមិនអាចទទួលបាន 3 ពិន្ទុពីគូប្រកួត។ ខ្សែប្រយុទ្ធសញ្ជាតិប្រេស៊ីលរូបនេះបាននិយាយថា៖ “ខ្ញុំសូមអភ័យទោសដល់មិត្តរួមក្រុម បុគ្គលិក និងអ្នកគាំទ្ររបស់ខ្ញុំ។ ខ្ញុំពិតជាខុស! ហើយវាអាចចំណែកមួយនៃការមិនអាចយកបានជ័យជម្នះរបស់ក្រុមផងដែរ។… ពេលនេះមានមនុស្សជាច្រើនកំពុងរិះគន់ខ្ញុំ ប៉ុន្តែខ្ញុំនឹងមិនបញ្ឈប់ការខិតខំឲ្យអស់ពីសមត្ថភាពសម្រាប់ Barcelona នោះទេ។ ខ្ញុំសង្ឃឹមថា ខ្ញុំអាចកែប្រែកំហុសរបស់ខ្ញុំ តាមដែលអាចធ្វើទៅបាន និងមិនឲ្យមានរឿងនេះកើតឡើងជាថ្មីម្ដងទៀត”។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
