បាល់ទាត់អន្តរជាតិ
Joao Cancelo ស៊ុតមួយគ្រាប់ចុងម៉ោង ជួយ Barcelona ឲ្យឈ្នះ Celta Vigo 3-2 (មានវីដេអូ)
ក្លឹបអ្នកមានបុណ្យ Barcelona ស្ទើរតែត្រូវបាត់បង់ 3 ពិន្ទុទៅហើយពីក្រុមភ្ញៀវ Celta Vigo ដោយពួកគេបានបណ្ដោយឲ្យក្រុមរបស់លោក Rafa Benitez ស៊ុតបញ្ចូលនាំមុខមុន 2 គ្រាប់រហូតដល់នាទីទី 81 ទើប Robert Lewandowski ស៊ុតបានមួយគ្រាប់ដំបូង ហើយ 4 នាទីក្រោយមកទៀត Robert Lewandowski ដដែលនេះ ក៏ស៊ុតតាមស្មើ 2-2។
នៅចុងម៉ោងទៅហើយ អ្នកគាំទ្រមិនរំពឹងថា ក្លឹបយក្សកាតាឡាន់ នឹងអាចមានឱកាសស៊ុតបញ្ចូលទីថែមបានមួយគ្រាប់ទៀត ដើម្បីទទួលបានជ័យជំនះទៅលើ Celta Vigo នោះឡើយ ប៉ុន្តែជាក់ស្ដែងនៅនាទីទី 89 ខ្សែបម្រើមាឌល្អិតចិត្តធំ Pablo Gavi បានចុចបាល់បន្តក់ពីចម្ងាយទៅឲ្យ Joao Cancelo ថែមមួយគ្រាប់ចុងក្រោយ ដែលជាគ្រាប់ជ័យជំនះរបស់ពួកគេ។
យ៉ាងណាមិញ ពេលនេះ Joao Cancelo កំពុងធ្វើឲ្យអ្នកគាំទ្រពេញចិត្តជាខ្លាំង ក្នុងនាមគេជាខ្សែការពារឆ្វេងដ៏ល្អ ដោយប្រកួតនេះ ក្រៅពីរកបានគ្រាប់បាល់ជ័យជំនះ គាត់ក៏រួមចំណែក Assist ដល់គ្រាប់បាល់ទីពីររបស់ Robert Lewandowski ទៀតផង។ សូមទស្សនាវីដេអូហាយឡាយការប្រកួតរវាង Barcelona និង Celta Vigo ខាងក្រោមនេះ។
បិសាចក្រហម កំពុងពិចារណាចង់ចុះហត្ថលេខាលើ Joselu
Premier League ត្រៀមតេស្តសាកល្បងបំពាក់កាមេរ៉ាលើអាជ្ញាកណ្ដាលនៅក្នុងការប្រកួតរបស់បិសាចក្រហមរំលងអាធ្រាតនេះ!!!
ប្រធានក្លឹប Barcelona ខឹងខ្លាំង ក្រោយក្រុមរបស់ខ្លួនចាញ់ Girona 4-2
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
