បាល់ទាត់អន្តរជាតិ
Man City សម្រេចចិត្តមិនប្ដឹងតវ៉ាលើការពិន័យ 3 ប្រកួតរបស់ Rodri
ក្លឹបមេឃខៀវ Manchester City បានសម្រេចចិត្តជ្រើសរើសដោយមិនប្តឹងតវ៉ាចំពោះកាតក្រហមដែល Rodri ទទួលបានក្នុងអំឡុងពេលពួកគេបានទទួលជ័យជម្នះ 2-0 លើ Nottingham Forest កាលពីថ្ងៃសៅរ៍សប្ដាហ៍មុន។ ដូចនេះមានន័យថា ខ្សែបម្រើអេស្ប៉ាញរូបនេះនឹងខកខានការប្រកួត 3 លើកបន្ទាប់របស់ Man City។
យ៉ាងណាមិញ Rodri ត្រូវបានទទួលកាតក្រហមភ្លាមៗនៅដើមតង់ទីពីរ បន្ទាប់ពីគាត់បានលើកដៃទៅច្របាច់បំពង់ករបស់ Morgan Gibbs White។ ការសម្រេចចិត្តរបស់អាជ្ញាកណ្តាលត្រូវបានបញ្ជាក់ដោយ VAR ហើយបន្តពីនោះមក Man City អាចនឹងប្តឹងឧទ្ធរណ៍ប្រឆាំងនឹងការសម្រេចបែបនេះ ដើម្បីកាត់បន្ថយការព្យួរការប្រកួត 3 ប្រកួតរបស់ Rodri។
ផ្ទុយមកវិញយោងតាមកាសែត Daily Mail បានរាយការណ៍ថា Man City បានសម្រេចចិត្តមិនមានសកម្មភាពអ្វីឡើយ ហើយយល់ស្របតាមការពិន័យបែបនេះ។ ការប្រកួតដំបូងដែល Rodri ជាប់ពិន័យ គឺជាការប្រកួត Carabao Cup ទល់នឹង Newcastle។ គាត់ក៏នឹងខកខានការប្រកួត Premier League បន្ទាប់ទល់នឹង Wolves នៅ Molineux និង Arsenal នៅកីឡដ្ឋាន Emirates។
ប្រភព: Dailypost NG
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo