បាល់ទាត់អន្តរជាតិ
បិសាចក្រហមចាប់អារម្មណ៍លើ Federico Chiesa ដែលមានតម្លៃខ្លួន 60 លានអឺរ៉ូ
ក្លឹបបិសាចក្រហម Manchester United ត្រូវបានគេរាយការណ៍ថា ចង់ចុះហត្ថលេខាលើខ្សែប្រយុទ្ធរបស់ក្លឹបសេះបង្កង់ Juventus គឺកីឡាករ Federico Chiesa នៅពេលដែលទីផ្សារដោះដូរកីឡាករបើកឡើងវិញនាខែមករាឆ្នាំក្រោយ។
កីឡាករវ័យ 25 ឆ្នាំរូបនេះនៅតែមានទម្រង់លេងដ៏គួរឲ្យចាប់អារម្មណ៍សម្រាប់ Juventus នៅក្នុងអំឡុងយុទ្ធនាការរដូវកាលថ្មី 2023-2024 ដោយស៊ុតបញ្ចូលទីបាន 4 គ្រាប់ និងបញ្ជូនបាល់ឲ្យមិត្តរួមក្រុមបានម្ដង ក្នុងការបង្ហាញខ្លួនចំនួន 6 ប្រកួត ក្នុងក្របខ័ណ្ឌ Serie A របស់អ៊ីតាលី។
ទន្ទឹមនឹងនេះដែរ កុងត្រាបច្ចុប្បន្នរបស់ Chiesa នៅទីក្រុង Turin មានរយៈពេលតិចជាង 2 ឆ្នាំទៀតប៉ុណ្ណោះ ហើយក្លឹបយក្សអ៊ីតាលីហាក់ដូចជាពិបាកនឹងបន្តកុងត្រាថ្មីជាមួយកីឡាករឆ្នើមរូបនេះផងដែរ ប្រសិនបើស្ថានភាពក្លឹប និងទម្រង់លេងរបស់ក្រុមមិនមានភាពល្អប្រសើរឡើងវិញ។
យោងតាមរបាយការណ៍ពី Calciomercato បានឲ្យដឹងថា Man United កំពុងតាមដានយ៉ាងយកចិត្តទុកដាក់ពីស្ថានភាពដែល Chiesa អាចនឹងចាកចេញពី Juventus ហើយក្លឹបបិសាចក្រហមគ្រោងនឹងផ្ទេរកីឡាករវ័យ 25 ឆ្នាំរូបនេះ នៅខែមករាឆ្នាំ 2024។ គេបានអះអាងថា Juventus ទំនងជានឹងទាមទារតម្លៃខ្លួនប្រហែលជា 60 លានអឺរ៉ូ (52 លានផោន) សម្រាប់ Federico Chiesa។
ប្រភព: Sportsmole
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
