បាល់ទាត់អន្តរជាតិ

Antony វិលត្រឡប់មកកាន់ទីលានហ្វឹកហាត់ជាមួយមិត្តរួមក្រុមវិញហើយ

Published

7 months ago

October 1, 2023

Lee Lee

កាលពីម្សិលមិញនេះ ក្លឹបបិសាចក្រហម Manchester United បានបញ្ជាក់ថា Antony បានវិលត្រឡប់មកហ្វឹកហាត់ជាមួយក្លឹបវិញហើយ។ កីឡាករវ័យ 23 ឆ្នាំរូបនេះបានដកខ្លួនចេញពីការប្រកួតមួយរយៈធំ ខណៈដែលគាត់ត្រូវបានចោទប្រកាន់ពីបទរំលោភបំពានលើស្ត្រីពីរនាក់ផ្សេងគ្នា រួមទាំងអតីតមិត្តស្រីរបស់ខ្លួនម្នាក់ទៀតឈ្មោះ Gabriela Cavallin ផងដែរ។

ទាំងប៉ូលីសរបស់ Greater Manchester និងប៉ូលីសរបស់ Sao Paulo បានពិនិត្យមើលរឿងហេតុនៃការចោទប្រកាន់នេះ ប៉ុន្តែគាត់មិនត្រូវបានចាប់ខ្លួន រឺចោទប្រកាន់ជាមួយនឹងភស្ដុតាងច្បាស់លាស់នោះទេ ខណៈដែល Antony នៅតែបដិសេធលើរឿងនេះ ហើយគាត់ពិតជាគ្មានកំហុសមែន។

ការស៊ើបអង្កេតកំពុងបន្ត ប៉ុន្តែពេលនេះ Antony បានត្រឡប់មកហ្វឹកហាត់ជាមួយមិត្តរួមក្រុមរបស់គាត់នៅបិសាចក្រហមវិញហើយ ដោយការវិលត្រឡប់នោះបានចាប់ផ្ដើមតាំងពីថ្ងៃសៅរ៍ម្សិលមិញនេះ (ផ្អែកតាមសេចក្តីថ្លែងការណ៍របស់ក្លឹប ដែលបានបញ្ជាក់កាលពីរសៀលថ្ងៃសុក្រកន្លងទៅ)។