បាល់ទាត់អន្តរជាតិ
បិសាចក្រហម ចាប់អារម្មណ៍ចង់ចុះហត្ថលេខាផ្ទេរខ្សែការពារ Nordi Mukiele របស់ PSG
គ្រូបង្វឹករបស់ក្លឹបបិសាចក្រហម Manchester United លោក Erik ten Hag ត្រូវបានគេរាយការណ៍ថា ចង់នាំយកកីឡាករ Nordi Mukiele របស់ Paris Saint-Germain មកកាន់ទឹកដី Old Trafford ក្នុងអំឡុងខែមករាខាងមុខ ពេលដែលទីផ្សារដោះដូរកីឡាករបើកឡើងវិញ។
កីឡាករវ័យ 25 ឆ្នាំរូបនេះ ធ្លាប់ត្រូវបានផ្សារភ្ជាប់ជាមួយនឹងការផ្ទេរទៅបិសាចក្រហមម្ដងរួចមកហើយ តាំងពីកំឡុងពេលដែលគាត់នៅ RB Leipzig ប៉ុន្តែទីបំផុតខ្សែការពារសញ្ជាតិបារាំងរូបនេះ បានសម្រេចចិត្តចូលរួមជាមួយ Paris Saint-Germain ដែលជាក្លឹបស្ថិតនៅទឹកដីកំណើតរបស់ខ្លួនក្នុងខែកក្កដា ឆ្នាំ 2022។
Mukiele បានបង្ហាញខ្លួនសរុបចំនួន 25 ប្រកួតសម្រាប់ PSG ក្នុងអំឡុងយុទ្ធនាការរដូវកាលមុន 2022-2023 ប៉ុន្តែរដូវកាលថ្មីនេះ គាត់ទើបតែបានចូលលេងត្រឹម 7 នាទីប៉ុណ្ណោះ។ អនាគតរបស់កីឡាករសញ្ជាតិបារាំងរូបនេះនៅទីក្រុងប៉ារីសកំពុងស្ថិតក្នុងស្ថានភាពអាប់អួរ ហើយយោងតាមរបាយការណ៍ពី FootballTransfers បានឲ្យដឹងថា ក្លឹបបិសាចក្រហម Manchester United នឹងរៀបចំផែនការផ្ទេរមួយនៅខែមករាខាងមុខសម្រាប់ Nordi Mukiele។ ទន្ទឹមនឹងនេះដែរ PSG ត្រូវបានគេដឹងថា នឹងអនុញ្ញាតឲ្យគេចាកចេញដោយមិនមានការស្ទាក់ស្ទើរ ព្រោះខ្សែការពាររូបនេះមិនស្ថិតក្នុងគម្រោងប្រើប្រាស់របស់ក្លឹបឡើយ។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
