បាល់ទាត់អន្តរជាតិ

Robert Lewandowski អាចនឹងជាពីរបួសបានទាន់ពេលវេលានៃការប្រកួត El Clasico

Published

7 months ago

October 15, 2023

Lee Lee

ខ្សែប្រយុទ្ធ Robert Lewandowski បានបង្ហាញពីការអាប់ដេតចុងក្រោយនៃរបួសរបស់ខ្លួន ដែលគាត់អាចនឹងវិលត្រឡប់មកកាន់ការប្រកួតក្នុងក្របខណ្ឌ La Liga វិញបានទាន់ពេលវេលានៃការប្រកួតសំខាន់ ដែល Barcelona នឹងត្រូវតទល់ជាមួយក្រុមខ្លាំង Real Madrid នៅថ្ងៃទី 28 ខាងមុខ។

កីឡាករអន្តរជាតិប៉ូឡូញរូបនេះ បានអវត្តមានពីលើទីលានប្រកួតចាប់តាំងពីមានបញ្ហារបួស ក្នុងអំឡុងពេលប្រកួត UEFA Champions League ជាមួយ FC Porto នៅថ្ងៃទី 4 ខែតុលាកន្លងទៅ។ ក្រោយមក Lewandowski បានខកខានការប្រកួតលីគជាមួយ Granada កាលពីចុងសប្តាហ៍មុន ហើយបន្តមកទៀត គាត់ត្រូវបានគេសង្ស័យថា អាចអវត្តមានរហូតដល់ពាក់កណ្តាលខែវិច្ឆិកាចុងឆ្នាំ 2023។

ទោះបីជាយ៉ាងណាក៏ដោយ កីឡាករវ័យ 35 ឆ្នាំរូបនេះហាក់ដូចជាមានការវិវត្តន៍លឿននៃការជាសះស្បើយពីរបួសរបស់គាត់ ដោយរបាយការណ៍ជាច្រើនកាលពីពេលថ្មីៗនេះបានអះអាងថា Robert Lewandowski នឹងត្រឡប់មកវិញនាពេលឆាប់ៗខាងមុខ ហើយក៏ត្រៀមលក្ខណៈគ្រប់គ្រាន់សម្រាប់ការប្រកួត El Clasico នៅចុងខែតុលានេះផងដែរ។