បាល់ទាត់អន្តរជាតិ
Manuel Akanji ជឿជាក់ថា ទោះគាត់មិនចូលលេង ក៏ក្រុមរបស់ខ្លួនអាចយក 3 ពិន្ទុនៅ Old Trafford បានដែរ!!!
ខ្សែការពារ Manuel Akanji របស់ក្លឹបមេឃខៀវ Manchester City បានព្រមានទៅកាន់ក្លឹបបិសាចក្រហម Manchester United ថា ក្រុមរបស់គាត់នឹងយក 3 ពិន្ទុ នៅ Old Trafford ដែលជាការប្រកួតរវាងក្រុមទាំង 2 នៅក្នុងក្របខណ្ឌលីគកំពូល Premier League នៅថ្ងៃអាទិត្យចុងសប្ដាហ៍នេះ (ម៉ោង 10:30 យប់)។
យ៉ាងណាមិញ កីឡាករសញ្ជាតិស្វីសរូបនេះ បានស៊ុតបញ្ចូលទីមួយគ្រាប់ដែលជាការប្រកួតបើកឆាក នៅក្នុងការប្រកួតដែល Man City យកឈ្នះ Young Boys ក្នុងលទ្ធផល 3-1 ដែលជាការប្រកួតវគ្គជម្រុះក្នុងពូលនៃក្របខ័ណ្ឌ UEFA Champions League កាលពីថ្ងៃពុធសប្ដាហ៍នេះ។
ទោះជាយ៉ាងណា Manuel Akanji នឹងខកខានការប្រកួតទល់នឹងក្លឹបបិសាចក្រហម Manchester United នៅប៉ុន្មានថ្ងៃខាងមុខ ដោយសារគាត់បានជាប់បម្រាមមួយប្រកួត នៅក្នុងការប្រកួតលីគ។ ខ្សែការពាររូបនេះបានទទួលកាតក្រហមពេលប្រកួតទល់នឹងក្លឹប Brighton កាលពីចុងសប្តាហ៍មុន។
ថ្វីត្បិតតែបែបនេះក៏ដោយ កីឡាករវ័យ 28 ឆ្នាំរូបនេះ នៅតែជឿជាក់ថា ក្រុមរបស់ខ្លួនដែលដឹកនាំដោយលោក Pep Guardiola នឹងផ្ដួលគូប្រជែង Manchester United បាន។ Akanji បាននិយាយដោយបើកចំហរថា៖ “វានឹងក្លាយជាការប្រកួតដ៏ធំមួយ វានឹងមានការលំបាក ប៉ុន្តែខ្ញុំជឿជាក់លើកីឡាកររបស់យើង។ ខ្ញុំគិតថា យើងត្រៀមខ្លួនរួចជាស្រេចសម្រាប់ការប្រកួតនេះ ហើយយើងនឹងទទួលបាន 3 ពិន្ទុ ក្នុងការប្រកួតក្រៅដីជាថ្មីម្តងទៀតផងដែរ”។
ប្រភព: Dailypost NG
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
