បាល់ទាត់អន្តរជាតិ
តំណែងជាគ្រូបង្វឹករបស់ Erik ten Hag នៅតែមិនទាន់ជួបហានិភ័យ បើទោះបីជាក្រុមធ្លាក់ជើងខ្លាំងក៏ដោយ
លោក Erik ten Hag ត្រូវបានគេរាយការណ៍ថា នៅតែមានការគាំទ្រពេញទំហឹងពីក្រុមប្រឹក្សាភិបាលរបស់ក្លឹបបិសាចក្រហម Manchester United បើទោះបីជាការចាប់ផ្តើមដ៏អាក្រក់របស់ក្រុមក្នុងរដូវកាលថ្មីនេះក៏ដោយ។ គ្រូបង្វឹកសញ្ជាតិហូឡង់រូបនេះ មិនទាន់អាចជួយសង្គ្រោះទម្រង់លេង និងស្ថានភាពដ៏អាក្រក់របស់ក្លឹបនៅឡើយទេ គិតចាប់តាំងពីការចូលមកដឹកនាំរបស់ខ្លួន។
បុរសវ័យ 35 ឆ្នាំរូបនេះ ធ្លាប់ជាគ្រូបង្វឹកឆ្នើមមួយរូបរបស់ AFC Ajax ដែលបានដឹកនាំក្រុមឲ្យឡើងទៅដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ UEFA Champions League កាលពីរដូវកាល 2018-2019។ លើសពីនេះទៀតនៅពេលនោះ គាត់បានជួយធ្វើឲ្យកីឡាករមួយចំនួនដូចជា Frenkie de Jong និង Matthijs de Ligt បានឡើងដល់ទម្រង់លេងដ៏ល្អ និងលេចធ្លោរខ្លាំងនៅតំបន់អឺរ៉ុប។
ក្នុងឆ្នាំដំបូងរបស់គាត់ ក្នុងនាមជាគ្រូបង្វឹករបស់បិសាចក្រហម លោក Erik ten Hag ជួយក្រុមឲ្យឈ្នះពានរង្វាន់ EFL Cup ក៏ដូចជាការដឹកនាំ Manchester United ឲ្យឡើងទៅកាន់ចំណាត់ថ្នាក់លេខ 3 ក្នុងក្របខ័ណ្ឌ Premier League ផងដែរ។ ទោះជាយ៉ាងណាក៏ដោយ វាបានក្លាយជាស្រមោលនៃអតីតប៉ុណ្ណោះ ខណៈដែលនៅរដូវកាល 2023-2024 នេះ ពួកគេបានរងបរាជ័យ 7 ដងរួចមកហើយ ទាំងនៅក្នុងការប្រកួតលីគ និង UEFA Champions League។
ថ្វីត្បិតតែបែបនេះក៏ដោយ បើយោងតាមសារព័ត៌មាន Manchester Evening បានអះអាងថា Man United នៅតែមានជំនឿពេញលេញលើគ្រូបង្វឹកបច្ចុប្បន្នរបស់ពួកគេ ហើយក្លឹបកំពុងស្ថិតក្នុងទិសដៅដ៏ត្រឹមត្រូវ សម្រាប់ការផ្ដល់ឱកាសជាច្រើនទៀតដល់លោក Erik ten Hag។
ប្រភព: Sportsmole
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
